Trump segir dómarann hafa fariđ út fyrir valdsviđ sitt

 
Erlent
08:41 16. MARS 2017
Donald Trump segist munu fara međ máliđ
Donald Trump segist munu fara međ máliđ "alla leiđ“, gerist ţess ţörf – ţađ er til Hćstaréttar Bandaríkjanna. VÍSIR/AFP

Donald Trump Bandaríkjaforseti segir að dómarinn á Hawaii, sem setti í gærkvöldi lögbann á nýtt ferðabann forsetans, hafi farið út fyrir valdsvið sitt með fordæmalausum hætti.

Dómarinn Derrick Watson vísaði í úrskurði sínum til „hæpinna sönnunargagna“ í rökstuðningi Bandaríkjastjórnar um að ferðabannið væri nauðsynlegt til að tryggja megi þjóðaröryggi. Sagði hann bannið fela í sér mismunun sem stríði gegn stjórnarskránni þar sem kveðið er á um að bannað sé að mismuna fólki á grundvelli trúarskoðana.

Nýtt ferðabann átti að taka gildi á miðnætti.

Önnur tilraun forsetans
Ferðabannið meinar ríkisborgurum frá sex ríkjum, þar sem mikill meirihluti íbúa eru múslimar, að koma til Bandaríkjanna næstu níutíu dagana og bannar komu flóttafólks til landsins næstu 120 dagana. Ríkin sem um ræðir eru Sýrland, Íran, Jemen, Sómalía, Líbía og Súdan.

Þetta var önnur tilraun Trump til að koma á ferðabanni en í janúar var fyrra ferðabannið dæmt ólögmætt af dómstólum.

Trump segir að með ferðabanninu sé ætlunin að stöðva komu hryðjuverkamanna til Bandaríkjanna.

Stjórnvöld á Hawaii höfðu lagst gegn ferðabanni forsetans og sögðu það meðal annars skaða ferðamannaiðnaðinn og getu til að laða til sín erlenda nemendur og starfsfólk.

Kveðst ætla með málið „alla leið“
Trump tjáði sig um úrskurð dómarans á fundi í Nashville í Tennessee í gærkvöldi þar sem hann sagði dóminn „gallaðan“ og að dómarinn hafi „farið út fyrir valdsvið með fordæmalausum hætti“.

Segir forsetinn að hann muni fara með málið „alla leið“, gerist þess þörf – það er til Hæstaréttar Bandaríkjanna. Dómnum verður næst áfrýjað til sama dómstóls og dæmdi fyrra ferðabann forsetans ólögmætt í síðasta mánuði.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Trump segir dómarann hafa fariđ út fyrir valdsviđ sitt
Fara efst