Trúarþrek er fyrir bæði líkama og sál Stefán Þór Hjartarson skrifar 21. febrúar 2017 10:00 Bjarni Karlsson og Sigurbjörg Ágústsdóttir ásamt söfnuði sínum í „stærstu kirkju landsins“ Þau séra Bjarni Karlsson og Sigurbjörg Ágústsdóttir íþróttakennari settu saman svokallað Trúarþrek, þrektíma í World Class þar sem þátttakendur auka andlega og líkamlega hreysti á sama tíma, með alhliða þjálfun þar sem sálin er ekki skilin út undan. „Þetta er konsept sem ég er búinn að hugsa lengi. Alltaf þegar ég er að hlaupa, synda eða gera æfingar – taka metrana mína, þá er það tíminn þegar ég er að íhuga. Það hefur alltaf verið, þarna er ég að semja eitthvað í huganum, að taka íhugun og bæn. Eitt sinn sat ég í klefanum og var að ræða við Bjössa í World Class og hann sagði: „Þú gerir þér grein fyrir að World Class er stærsta kirkjan, hvenær ætlar þú að messa hérna?“ og ég sagði við hann: „Þetta er nú dýrt sko, ég gæti átt eftir að taka mark á þessu,“ en hann sagðist vera að meina þetta. Svo leið töluverður tími og þetta endaði með að ég sagði honum frá hugmyndinni minni og þetta varð að veruleika,“ segir Bjarni Karlsson prestur sem ákvað að byrja með tímana Trúarþrek í World Class.Hvernig fer þetta fram, predikar þú yfir fólkinu á meðan það svitnar? „Nei, það sem gerist er að í upphafi tímans gef ég fólki eitt umhugsunarefni til þess að taka inn í tímann. Síðast sagði ég fólki að hugsa um meðvirkni og bað alla að hugsa um fólkið í lífi sínu sem það á í meðvirkum samskiptum við. Á meðan fólk púlar þá hugsar það um efnið og síðan þegar allir eru búnir og fara í teygjurnar þá segi ég eina af 1001 sögu úr Biblíunni, ég vel eina sögu sem ég á gott með að segja og tengist umhugsunarefninu. Um leið og fólk er búið að teygja og leggst sveitt á dýnu þá kemur íhugun og þá tengi ég þessa sögu við mína reynslu og annarra.“Ertu einn í þessu? „Ég fékk alveg frábæra konu sem heitir Sigurbjörg Ágústsdóttir með mér í lið, hún er menntaður íþróttakennari og mikill fagmaður í þessu og við bara suðum saman góðan alhliða þrektíma, þannig að fólk virkilega reyni á sig og svitni, og íhugun um leið. Sigurbjörg les hópinn og nær að láta alla hreyfa sig þannig að þeir reyni á og fái mikið út úr tímanum hvernig sem þreki þeirra er háttað.“Hvernig hefur svo gengið? „Þetta er klárlega konsept sem virkar. Það er alltaf að fjölga í tímum. Við vorum sjö til að byrja með, svo urðum við tólf og núna síðast vorum við fimmtán eða sextán. Það er alltaf að bætast í hópinn, fólk er að koma og njóta.“Hreyfir þú þig mikið? „Ég byrjaði þegar World Class var opnað á sínum tíma. Við hjónin höfum verið þarna alveg frá upphafi. Þetta er hluti af okkar lífsstíl, að reyna að hreyfa sig og halda heilsu. Hreyfing og íhugun er besta geðlyfið. Ef fólk ætlar að halda heilbrigði líkama og sálar þá þarf að hreyfa sig og lifa virku andlegu lífi, vera andlega meðvitaður, það segi ég. Þess vegna hugsaði ég með mér að þarna væri tækifæri til að miðla, því að maður getur jú ekki gefið nema það sem maður á. Þarna er eitthvað sem ég þekki og það er gaman að geta miðlað því.“ Trúarþrekstímarnir fara fram í hádeginu á fimmtudögum í Laugum. Þess má geta að næsta umhugsunarefni er hvorki meira né minna en dauðinn. Mest lesið Cox segir Phoenix ömurlegan sem Napóleon Bíó og sjónvarp Arkitekt dýrasta húss Íslandssögunnar selur í Fossvogi Lífið Talin ólíklegust til að komast áfram Lífið Á slóðum Arabíu Lárens með Anthony Hopkins Bíó og sjónvarp Kom öllum að óvörum með fleiri lögum í nótt Tónlist Bauð öllum bæjarbúum í matarboð Lífið Komu saman vegna þrjátíu ára afmælis Pulp Fiction Bíó og sjónvarp Mesta hættan í unglingaherberginu Lífið Féllust í faðma á tilfinningaríkri stundu Lífið „Það má segja að þetta sé í raun sorg og uppgjör“ Tónlist Fleiri fréttir „Eftir þetta hef ég ekki svarað einum einasta Nígeríusvindlara“ Arkitekt dýrasta húss Íslandssögunnar selur í Fossvogi Féllust í faðma á tilfinningaríkri stundu Valgerður selur íbúðina í Vesturbænum Mesta hættan í unglingaherberginu Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Sjá meira
Þau séra Bjarni Karlsson og Sigurbjörg Ágústsdóttir íþróttakennari settu saman svokallað Trúarþrek, þrektíma í World Class þar sem þátttakendur auka andlega og líkamlega hreysti á sama tíma, með alhliða þjálfun þar sem sálin er ekki skilin út undan. „Þetta er konsept sem ég er búinn að hugsa lengi. Alltaf þegar ég er að hlaupa, synda eða gera æfingar – taka metrana mína, þá er það tíminn þegar ég er að íhuga. Það hefur alltaf verið, þarna er ég að semja eitthvað í huganum, að taka íhugun og bæn. Eitt sinn sat ég í klefanum og var að ræða við Bjössa í World Class og hann sagði: „Þú gerir þér grein fyrir að World Class er stærsta kirkjan, hvenær ætlar þú að messa hérna?“ og ég sagði við hann: „Þetta er nú dýrt sko, ég gæti átt eftir að taka mark á þessu,“ en hann sagðist vera að meina þetta. Svo leið töluverður tími og þetta endaði með að ég sagði honum frá hugmyndinni minni og þetta varð að veruleika,“ segir Bjarni Karlsson prestur sem ákvað að byrja með tímana Trúarþrek í World Class.Hvernig fer þetta fram, predikar þú yfir fólkinu á meðan það svitnar? „Nei, það sem gerist er að í upphafi tímans gef ég fólki eitt umhugsunarefni til þess að taka inn í tímann. Síðast sagði ég fólki að hugsa um meðvirkni og bað alla að hugsa um fólkið í lífi sínu sem það á í meðvirkum samskiptum við. Á meðan fólk púlar þá hugsar það um efnið og síðan þegar allir eru búnir og fara í teygjurnar þá segi ég eina af 1001 sögu úr Biblíunni, ég vel eina sögu sem ég á gott með að segja og tengist umhugsunarefninu. Um leið og fólk er búið að teygja og leggst sveitt á dýnu þá kemur íhugun og þá tengi ég þessa sögu við mína reynslu og annarra.“Ertu einn í þessu? „Ég fékk alveg frábæra konu sem heitir Sigurbjörg Ágústsdóttir með mér í lið, hún er menntaður íþróttakennari og mikill fagmaður í þessu og við bara suðum saman góðan alhliða þrektíma, þannig að fólk virkilega reyni á sig og svitni, og íhugun um leið. Sigurbjörg les hópinn og nær að láta alla hreyfa sig þannig að þeir reyni á og fái mikið út úr tímanum hvernig sem þreki þeirra er háttað.“Hvernig hefur svo gengið? „Þetta er klárlega konsept sem virkar. Það er alltaf að fjölga í tímum. Við vorum sjö til að byrja með, svo urðum við tólf og núna síðast vorum við fimmtán eða sextán. Það er alltaf að bætast í hópinn, fólk er að koma og njóta.“Hreyfir þú þig mikið? „Ég byrjaði þegar World Class var opnað á sínum tíma. Við hjónin höfum verið þarna alveg frá upphafi. Þetta er hluti af okkar lífsstíl, að reyna að hreyfa sig og halda heilsu. Hreyfing og íhugun er besta geðlyfið. Ef fólk ætlar að halda heilbrigði líkama og sálar þá þarf að hreyfa sig og lifa virku andlegu lífi, vera andlega meðvitaður, það segi ég. Þess vegna hugsaði ég með mér að þarna væri tækifæri til að miðla, því að maður getur jú ekki gefið nema það sem maður á. Þarna er eitthvað sem ég þekki og það er gaman að geta miðlað því.“ Trúarþrekstímarnir fara fram í hádeginu á fimmtudögum í Laugum. Þess má geta að næsta umhugsunarefni er hvorki meira né minna en dauðinn.
Mest lesið Cox segir Phoenix ömurlegan sem Napóleon Bíó og sjónvarp Arkitekt dýrasta húss Íslandssögunnar selur í Fossvogi Lífið Talin ólíklegust til að komast áfram Lífið Á slóðum Arabíu Lárens með Anthony Hopkins Bíó og sjónvarp Kom öllum að óvörum með fleiri lögum í nótt Tónlist Bauð öllum bæjarbúum í matarboð Lífið Komu saman vegna þrjátíu ára afmælis Pulp Fiction Bíó og sjónvarp Mesta hættan í unglingaherberginu Lífið Féllust í faðma á tilfinningaríkri stundu Lífið „Það má segja að þetta sé í raun sorg og uppgjör“ Tónlist Fleiri fréttir „Eftir þetta hef ég ekki svarað einum einasta Nígeríusvindlara“ Arkitekt dýrasta húss Íslandssögunnar selur í Fossvogi Féllust í faðma á tilfinningaríkri stundu Valgerður selur íbúðina í Vesturbænum Mesta hættan í unglingaherberginu Bauð öllum bæjarbúum í matarboð Talin ólíklegust til að komast áfram „Æskuheimilið hans er bara rústir“ Gult og glæsilegt einbýlishús Sölva til sölu „Ekki lengur þræll þess að finnast ég ekki nóg“ Magnea fór upp á fjall á tryllitæki Margrét Ýr og Reynir nýtt par „Vildi greinilega ekki að einhver úr fjölskyldunni kæmi að honum“ Samantha Davis er látin Höfundur Kaupalkabókanna með krabbamein í heila Eva Ruza og Gunna Dís inn fyrir Gísla og Felix Nýbökuðu hjónin kíktu í kaffi til Guðna Bergur og Inga Lóa selja eitt glæsilegasta hús Garðabæjar Sofia Vergara með fjallmyndarlegum lækni Gunna Dís kynnir Eurovision í stað Gísla Marteins Vítalía og Arnar Grant í kossaflensi Fengu sér miðnætursnarl í Skotlandi Ási selur íbúðina eftir sambandsslitin Laufey í Vogue ásamt Rihönnu Gengur hundrað kílómetra með hundrað kílóa sleða Bassi Maraj og Patrekur í svínslegu stuði Með milljónir fylgjenda og lætur drauminn rætast í London Missti allar tærnar þrjátíu árum eftir að konan skar undan honum „Ég fæ það of fljótt, hvað get ég gert?“ Eyfi flutti Nínu með Hinsegin kórnum Sjá meira