Viðskipti innlent

Tollurinn hefur stöðvað tugi sendinga af raftækjum

Atli Ísleifsson skrifar
Á Íslandi gilda sömu reglur um CE-merkingar og í öðrum EES-ríkjum þar sem landið er aðili að EES-samningnum.
Á Íslandi gilda sömu reglur um CE-merkingar og í öðrum EES-ríkjum þar sem landið er aðili að EES-samningnum. Mynd/Tollstjóraembættið
Tollurinn stöðvaði innflutning á milli sjötíu og áttatíu sendinga af raftækjum frá Kína á tveggja mánaða tímabili í sumar vegna þess að CE merkingar vantaði. Einkum var um að ræða síma og spjaldtölvur.

Í tilkynningu frá tollstjóraembættinu segir að tollstjóri vilji af gefnu tilefni minna á að rafmagnstæki sem keypt eru erlendis eða pöntuð á netinu þurfi að bera CE merkingu til að flytja megi þau til landsins samkvæmt gildandi EES-tilskipunum.

„Á Íslandi gilda sömu reglur um CE-merkingar og í öðrum EES-ríkjum þar sem landið er aðili að EES-samningnum.

Vöruflokkar sem heyra undir umræddar tilskipanir EES, auk rafmagnstækja, eru til dæmis leikföng, vélar, persónuhlífar og notendabúnaður fjarskiptakerfa og síma.

CE-merking er skilyrði fyrir markaðssetningu tiltekinna vara á Evrópska efnahagssvæðinu. Merkið er auðkennismerking sem gefur til kynna að framleiðandi, innflytjandi eða dreifingaraðili vöru ábyrgist að hún uppfylli þær grunnkröfur um öryggi og almennt heilbrigði sem tilskipanir Evrópusambandsins kveða á um,“ segir í tilkynningunni.






Fleiri fréttir

Sjá meira


×