Tíu framúrskarandi fyrirtæki á Suðurnesjum 2011

Creditinfo hefur unnið að ítarlegri greiningu sem sýnir hvaða íslensku fyrirtæki fá bestu einkunn í styrk- og stöðugleikamati félagsins. Af rúmlega 32.000 fyrirtækjum sem skráð eru í Hlutafélagaskrá reyndust 244 fyrirtæki uppfylla þau skilyrði sem Creditinfo setur til að fá viðurkenningu sem framúrskarandi fyrirtæki. Af þessum 244 fyrirtækjum eru tíu staðsett á Suðurnesjum. Vottun af þessu tagi þekkist víða erlendis en á stærri mörkuðum er algengara að skilyrði vottunar séu ekki eins ströng og ákveðið var að setja hér á landi. Að mati Creditinfo er mikilvægara á litlum markaði að draga fram styrkleika fyrirtækja sem birtist í stöðugleika í rekstri fremur en niðurstöðum einstakra rekstrarára. Slíkar kröfur eru líklegri til að undanskilja sveiflukenndan árangur stærri eignarhalds- og móðurfélaga en undirstrika frekar styrkleika fyrirtækja í virkri starfsemi. Eftirfarandi upplýsingar eru lagðar til grundvallar á mati Creditinfo um hvort fyrirtæki uppfylli skilyrði styrkleikamatsins: Að hafa skilað ársreikningum til RSK 2008 til 2010 Minna en 0,5% líkur á alvarlegum vanskilum Að sýna jákvæðan rekstrarhagnað (EBIT) þrjú ár í röð Að ársniðurstaða sé jákvæð þrjú ár í röð Eignir séu 80 milljónir eða meira árin 2008 - 2010 Að eigið fé sé 20% eða meira, rekstrarárin 2008 til 2010 Að vera með skráðan framkvæmdastjóra og stjórnarmenn í hlutafélagaskrá Að vera virkt fyrirtæki skv. skilgreiningu Creditinfo Fyrirtækin 10 á Suðurnesjum sem stóðust styrk- og stöðugleikamat Creditinfo eru eftirfarandi í þeirri röð sem þau birtast á lista Creditinfo: 20. sæti: Samkaup hf., Reykjanesbæ 40. sæti: Þróunarfélag Keflavíkurflugvallar, Reykjanesbæ 45. sæti: Íslenska félagið ehf., Reykjanesbæ 49. sæti: Fiskverkunin Ásbverg, Sandgerði 62. sæti: K&G ehf., Sandgerði 81. sæti: Fram Foods Ísland hf., Reykjanesbæ 135. sæti: Veiðafæraþjónustan ehf., Grindavík 197. sæti: Express ehf., Reykajnesbæ 199. sæti: BESA ehf., Grindavík 220. sæti: Verkfræðistofa Suðurnesja ehf., Reykjanesbæ Listi yfir þau fyrirtæki sem stóðust styrk- og stöðugleikamatið er fánlegur hjá Creditinfo. Hann inniheldur allar fjárhagsupplýsingarnar sem eru taldar upp hér að ofan, almenn netföng fyrirtækjanna, póstföng fyrirtækjanna og netföng framkvæmdastjóra. Hér má sjá þau félög í stafrófsröð sem eru á lista yfir framúrskarandi fyrirtæki 2011: http://www.creditinfo.is/lanstraust/onnur-thjonusta/framurskarandi-fyrirtaeki-2011/