Tímalög sem pensilfarið skráir Gunnþóra Gunnarsdóttir skrifar 11. ágúst 2016 14:00 Sýningarstjórarnir Aðalheiður og Aldís leituðu víða að verkum Karls frá ákveðnu tímabili en fylgdust með sumum verkum Erlu verða til á vinnustofu hennar. Visir/GVA Í málverki eru undirliggjandi tímalög sem pensilfarið skráir. Þangað er nafnið á sýningunni sótt,“ útskýrir Inga Jónsdóttir, safnstjóri Listasafns Árnesinga í Hveragerði, þar sem sýningin Tímalög verður opnuð á morgun klukkan 18. Þar eru verk eftir listmálarann Karl Kvaran (1924-1989) og málverk og skúlptúrar eftir Erlu Þórarinsdóttur. Sýningarstjórar eru þær Aðalheiður Valgeirsdóttir og Aldís Arnardóttir. „Við vorum með ákveðin tímabil undir hjá báðum listamönnunum,“ segir Aldís. „Erum að skoða árin frá 1968 til 1978 hjá Karli og síðustu tíu ár hjá Erlu.“ Verk Karls eru víða til, bæði á söfnum og á heimilum að sögn Aldísar. „En við þurftum að hafa dálítið fyrir því að finna þau. Vorum líka að reyna að finna verk sem ekki hafa verið sýnd á síðustu árum, sum jafnvel ekki síðan 1968.“Án titils – verk Karls Kvaran.Aðalheiður segir stóra yfirlitssýningu hafa verið á verkum Karls árið 2010 í Listasafni Íslands og þá hafi verið gerður gagnagrunnur sem þær hafi fengið aðgang að. „Það bættist samt dálítið í hann núna við þessa leit okkar því við röktum okkur áfram. Það var heldur ekki bara tímabilið sem við sóttumst eftir heldur völdum við algerlega það sem okkur fannst áhugaverðast.“ Þær segja Karl hafa notað gvass mikið á þessu tíu ára tímabili en gvass er vatnsleysanlegur litur, mun þykkari en vatnslitir og meira þekjandi. „Karl tileinkaði sér gvassið sem miðil í tuttugu ár og verkin á sýningunni eru mikilvæg í hans ferli og leiða hann inn í stóru olíumálverkin sem hann fór svo að mála í kringum 1974,“ lýsir Aðalheiður. Aldís tekur við. „Þá var hann með viðamikla sýningu í Norræna húsinu, þannig að við erum bæði með gvassverkin sem einkenndu stíl hans frá 1968 og líka hans stóru olíumálverk frá 1974 til 6.“Erla sveigir og beygir formin svo þau framkalla sjónræn þrívíddaráhrif. Austur vestur nefnist þetta verk.Þá er komið að því að lýsa verkum Erlu sem eru öll frá síðustu tíu árum og nokkur alveg glæný, að sögn Aldísar og Aðalheiðar. „Við höfum meira að segja fengið að fylgjast með verkum verða til á vinnustofunni og velja úr þeim. Þar eru meðal annars nokkur verk sem listakonan leggur blaðsilfur sem tekur breytingum með tímanum og hún ætlar að láta oxast á sýningunni,“ lýsir Aldís. „Já, þau dökkna og breytast í birtunni,“ bætir Aðalbjörg við. Skyldi það þýða að fólk verði að fara daglega á sýninguna til að fylgjast með þróuninni? „Ekki segi ég það nú. Ferlið er hægara en svo,“ segir hún brosandi. „En sýningin mun standa til 13. nóvember og á milli opnunar hennar og miðbiks verður örugglega dálítill munur. Erla er líka sjálf spennt fyrir því að sjá hvað gerist.“ Aldís tekur við. „Svo erum við líka með eldri verk eftir Erlu, bæði málverk og skúlptúra. Hún er mjög mikilvirk í sinni list og á yfir 30 ára feril.“ „Já, það má segja að blaðsilfrið sé svolítið einkennandi fyrir hana. Hún er ekkert með það í öllum verkum en nýju verkin hennar eru þannig,“ segir Aðalheiður og lýsir ferlinu nánar. „Hún málar á strigann og er oft djörf í litavali, leggur síðan örþunnar silfurþynnurnar yfir og með tímanum oxast þær. Svo lakkar hún yfir og stoppar ferlið. Ræður því auðvitað hvenær það gerist. Þá rifar í undirliggjandi teikningu, liti og strúktúr.“ Sýningin Tímalög er á dagskrá Blómstrandi daga í Hveragerði og af því tilefni leikur Jazztríó Páls Sveinssonar nokkur lög við opnunina. Sunnudaginn 14. ágúst verða líka útgáfutónleikar í safninu þegar Artic strengjasveitin leikur af nýútgefnum hljómdiski íslensk þjóðlög og vinsæl sönglög. Kvartettinn skipa fiðluleikarinn Ágústa M. Jónsdóttir, víóluleikarinn Kathryn Harrison, sellóleikarinn Ólöf S. Óskarsdóttir og fiðluleikarinn Martin Frewer, sem hefur útsett öll lögin. Hljóðfæraleikararnir eiga allir sæti í Sinfóníuhljómsveit Íslands. Sýningin Tímalög mun standa til og með 13. nóvember og í ágúst og september er safnið opið alla daga milli klukkan 12 og 18. Aðgangur að safninu er ókeypis og allir velkomnir – líka á opnun sýningarinnar og útgáfutónleikana.Greinin birtist fyrst í Fréttablaðinu 10. ágúst. Menning Mest lesið Hjólhýsabyggðin á Laugarvatni og Húsið á Eyrarbakka Lífið Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið „Þetta var svolítið biblíuleg mynd“ Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Kappakstur milli Hjálmars og Magneu Lífið Bein útsending: Heimir Guðjóns og Höddi Magg í einvígi aldarinnar Lífið Tískan sýndi trúnaðarbrest í hruninu Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira
Í málverki eru undirliggjandi tímalög sem pensilfarið skráir. Þangað er nafnið á sýningunni sótt,“ útskýrir Inga Jónsdóttir, safnstjóri Listasafns Árnesinga í Hveragerði, þar sem sýningin Tímalög verður opnuð á morgun klukkan 18. Þar eru verk eftir listmálarann Karl Kvaran (1924-1989) og málverk og skúlptúrar eftir Erlu Þórarinsdóttur. Sýningarstjórar eru þær Aðalheiður Valgeirsdóttir og Aldís Arnardóttir. „Við vorum með ákveðin tímabil undir hjá báðum listamönnunum,“ segir Aldís. „Erum að skoða árin frá 1968 til 1978 hjá Karli og síðustu tíu ár hjá Erlu.“ Verk Karls eru víða til, bæði á söfnum og á heimilum að sögn Aldísar. „En við þurftum að hafa dálítið fyrir því að finna þau. Vorum líka að reyna að finna verk sem ekki hafa verið sýnd á síðustu árum, sum jafnvel ekki síðan 1968.“Án titils – verk Karls Kvaran.Aðalheiður segir stóra yfirlitssýningu hafa verið á verkum Karls árið 2010 í Listasafni Íslands og þá hafi verið gerður gagnagrunnur sem þær hafi fengið aðgang að. „Það bættist samt dálítið í hann núna við þessa leit okkar því við röktum okkur áfram. Það var heldur ekki bara tímabilið sem við sóttumst eftir heldur völdum við algerlega það sem okkur fannst áhugaverðast.“ Þær segja Karl hafa notað gvass mikið á þessu tíu ára tímabili en gvass er vatnsleysanlegur litur, mun þykkari en vatnslitir og meira þekjandi. „Karl tileinkaði sér gvassið sem miðil í tuttugu ár og verkin á sýningunni eru mikilvæg í hans ferli og leiða hann inn í stóru olíumálverkin sem hann fór svo að mála í kringum 1974,“ lýsir Aðalheiður. Aldís tekur við. „Þá var hann með viðamikla sýningu í Norræna húsinu, þannig að við erum bæði með gvassverkin sem einkenndu stíl hans frá 1968 og líka hans stóru olíumálverk frá 1974 til 6.“Erla sveigir og beygir formin svo þau framkalla sjónræn þrívíddaráhrif. Austur vestur nefnist þetta verk.Þá er komið að því að lýsa verkum Erlu sem eru öll frá síðustu tíu árum og nokkur alveg glæný, að sögn Aldísar og Aðalheiðar. „Við höfum meira að segja fengið að fylgjast með verkum verða til á vinnustofunni og velja úr þeim. Þar eru meðal annars nokkur verk sem listakonan leggur blaðsilfur sem tekur breytingum með tímanum og hún ætlar að láta oxast á sýningunni,“ lýsir Aldís. „Já, þau dökkna og breytast í birtunni,“ bætir Aðalbjörg við. Skyldi það þýða að fólk verði að fara daglega á sýninguna til að fylgjast með þróuninni? „Ekki segi ég það nú. Ferlið er hægara en svo,“ segir hún brosandi. „En sýningin mun standa til 13. nóvember og á milli opnunar hennar og miðbiks verður örugglega dálítill munur. Erla er líka sjálf spennt fyrir því að sjá hvað gerist.“ Aldís tekur við. „Svo erum við líka með eldri verk eftir Erlu, bæði málverk og skúlptúra. Hún er mjög mikilvirk í sinni list og á yfir 30 ára feril.“ „Já, það má segja að blaðsilfrið sé svolítið einkennandi fyrir hana. Hún er ekkert með það í öllum verkum en nýju verkin hennar eru þannig,“ segir Aðalheiður og lýsir ferlinu nánar. „Hún málar á strigann og er oft djörf í litavali, leggur síðan örþunnar silfurþynnurnar yfir og með tímanum oxast þær. Svo lakkar hún yfir og stoppar ferlið. Ræður því auðvitað hvenær það gerist. Þá rifar í undirliggjandi teikningu, liti og strúktúr.“ Sýningin Tímalög er á dagskrá Blómstrandi daga í Hveragerði og af því tilefni leikur Jazztríó Páls Sveinssonar nokkur lög við opnunina. Sunnudaginn 14. ágúst verða líka útgáfutónleikar í safninu þegar Artic strengjasveitin leikur af nýútgefnum hljómdiski íslensk þjóðlög og vinsæl sönglög. Kvartettinn skipa fiðluleikarinn Ágústa M. Jónsdóttir, víóluleikarinn Kathryn Harrison, sellóleikarinn Ólöf S. Óskarsdóttir og fiðluleikarinn Martin Frewer, sem hefur útsett öll lögin. Hljóðfæraleikararnir eiga allir sæti í Sinfóníuhljómsveit Íslands. Sýningin Tímalög mun standa til og með 13. nóvember og í ágúst og september er safnið opið alla daga milli klukkan 12 og 18. Aðgangur að safninu er ókeypis og allir velkomnir – líka á opnun sýningarinnar og útgáfutónleikana.Greinin birtist fyrst í Fréttablaðinu 10. ágúst.
Menning Mest lesið Hjólhýsabyggðin á Laugarvatni og Húsið á Eyrarbakka Lífið Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið „Þetta var svolítið biblíuleg mynd“ Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Kappakstur milli Hjálmars og Magneu Lífið Bein útsending: Heimir Guðjóns og Höddi Magg í einvígi aldarinnar Lífið Tískan sýndi trúnaðarbrest í hruninu Lífið Fleiri fréttir Listamaðurinn á bak við Áfanga í Viðey látinn Eliza hlaut heiðursverðlaun Fyrsta alþjóðlega barokkhátíðin í Reykjavík Gerður Kristný hlýtur virt norsk bókmenntaverðlaun Hættir sem leikhússtjóri og hefur störf í ráðuneytinu Myndaveisla: Sex listrænum áratugum fagnað með glæsilegri sýningu Amanda og Brák meðal handhafa Íslensku myndlistarverðlaunanna Kaflaskil í íslenskri menningarsögu Hjartnæm stund Guðna með Herði og Kára Grindavíkurbær heiðursgestur Menningarnætur 2024 Kristín Ómarsdóttir meðal þeirra sem hlaut Fjöruverðlaunin Síðasta verk Nóbelsverðlaunahafans gefið út gegn hans eigin óskum Listræn og lífleg starfsemi í gömlu Áburðarverksmiðjunni Myndaveisla: Yfir þúsund manns í listrænu fjöri í Hveragerði Myndaveisla: Þotulið hönnunarbransans fagnaði með stæl Myndaveisla: Fullt út úr dyrum og næstum uppselt fyrir opnun „Óþekka barnið“ í íslenskri myndlist fer nýjar leiðir Íslensk strandmenning í brennidepli á Akranesi Þrífst vel í brjálaðri vinnumenningu í New York Samtal við mömmu sem olli straumhvörfum Deilt um hinn dísæta hnakka: Forheimskandi efnishyggja eða vítamínsprauta? Lofar breyttu lífi með fyrirvara „Tækifæri til að pæla í fallegri veruleika eftir dauðann“ Troðfullt í Marshall-húsinu á opnun listrænna systra Tóku saman höndum fyrir Hendi næst Settist í öll sæti Eldborgar og tók 5000 sjálfsmyndir Emils- og Línu-tónskáldið Georg Riedel látið Kristín og Anna tilnefndar til bókmenntaverðlauna Norðurlandaráðs Hildur Hermóðsdóttir er látin Taka stutt hlé frá leikhúsinu fyrir ferðalög til Perú og Keníu Sjá meira