FIMMTUDAGUR 23. MARS NÝJAST 20:00

Réttur barnsins ađ fá bólusetningu

FRÉTTIR

Tillerson segir ađ hernađarađgerđir gegn Norđur-Kóreu komi til greina

 
Erlent
10:10 17. MARS 2017
Rex Tillerson er nú í Suđur-Kóreu eftir heimsókn til Japans.
Rex Tillerson er nú í Suđur-Kóreu eftir heimsókn til Japans. VÍSIR/AFP

Rex Tillerson, utanríkisráðherra Bandaríkjanna, segir að hernaðaraðgerðir sé einn af þeim möguleikum sem komi til greina þegar kemur að hvernig skuli eiga við stjórnvöld í Norður-Kóreu.

Tillerson greindi frá þessu í heimsókn sinni til Suður-Kóreu í dag.

Ráðherrann sagði að núverandi stefna, þar sem viðskiptaþvingunum hafi verið beitt gegn ríkinu um langt skeið, hafi ekki skilað tilætluðum árangri.

Bandaríkin væru því að leita nýrra leiða til að fá Norður-Kóreumenn til að hverfa frá kjarnorkuáætlun sinni.

Tillerson varði jafnframt uppsetningu eldflaugavarnarkerfis Bandaríkjahers í Suður-Kóreu, sem kínversk stjórnvöld hafa harðlega gagnrýnt. Stjórnvöld í Suður-Kóreu og Bandaríkjunum segja kerfið nauðsynlegt til að verjast þeirri ógn sem stafar af norður-kóreskum stjórnvöldum.

Tillerson mætti til Suður-Kóreu eftir heimsókn frá Japan þar sem hann sagði tuttugu ára tilraunir til að hafa áhrif á norður-kóresk stjórnvöld hafa mistekist.

Aðspurður um hvort grípa þurfi til hernaðaraðgerða sagðist ráðherrann svo sannanlega vonast til að svo verði ekki. „En ef ógnin sem stafar af vopnaáætlun þeirra kemst á það stig sem við teljum að kerfjist aðgerða af okkar hálfu, þá er sá möguleiki uppi á borðum.“


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Tillerson segir ađ hernađarađgerđir gegn Norđur-Kóreu komi til greina
Fara efst