FIMMTUDAGUR 8. DESEMBER NÝJAST 23:55

Kona hljóp 25 kílómetra á rangri leið í maraþoni

FRÉTTIR

Þróttarar semja við stóran og sterkan markvörð

 
Íslenski boltinn
19:23 02. FEBRÚAR 2016
Trausti Sigurbjörnsson fær samkeppni um markmannsstöðuna.
Trausti Sigurbjörnsson fær samkeppni um markmannsstöðuna. VÍSIR/ERNIR

Markvörðurinn Arnar Darri Pétursson hefur gert tveggja ára samning við nýliða Þróttar og mun því spila með liðinu í Pepsi-deild karla í sumar.

Arnar Darri Pétursson kemur til Þróttar frá Stjörnunni en þetta kemur fram í fréttatilkynningu frá framkvæmdarstjóra Þróttar í kvöld.

Arnar Darri, sem er 24 ára, er uppalinn hjá Stjörnunni en lék eitt tímabil með Víkingi Ólafsvík. Hann hefur einnig spilað í Danmörku og Noregi.

„Arnar Darri er stór, sterkur og öflugur markvörður, sem getur átt langan og farsælan feril framundan í knattspyrnu, ef hann heldur rétt á spöðunum," segir í fréttatilkynningu Þróttara.

„Með tilkomu Arnars Darra fá Trausti Sigurbjörnsson og Sindri Geirsson verðuga samkeppni um markvarðarstöðuna og þannig vil ég hafa hlutina, að tveir til þrír leikmenn keppi um allar stöður í byrjunarliðinu,“ segir Gregg Ryder, þjálfari Þróttar.

„Þróttur kemur til leiks í efstu deild næsta sumar með bráðungan og efnilegan leikmannahóp. Liðið er að styrkja sig mikið frá síðasta ári og þjálfarateymið lítur á mig sem mikilvægan þátt í því ferli. Ég ætla að standa undir því trausti og hlakka til að taka virkan þátt í uppbyggingu fótboltans í Laugardal á næstu árum. Hérna í dalnum er hjartað í Reykjavík og það er heiður að tilheyra þessu félagi,“ segir Arnar Darri Pétursson, nýjasti leikmaður Þróttar, í fréttatilkynningu félagsins.


Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið
Forsíða / Sport / Fótbolti / Íslenski boltinn / Þróttarar semja við stóran og sterkan markvörð
Fara efst