Þrengslavegi lokað vegna umferðaróhapps

Lögreglan á Suðurlandi lokaði Þrengslavegi þar sem flutningabifreið þverar veginn við Skógarhlíðabrekku. Er unnið að því að fjarlægja bifreiðina en engan sakaði.

Fjölmargir ökumenn hafa misst bifreiðar sínar út af vegum í umdæmi lögreglunnar á Suðurlandi í morgun og hefur verið tilkynnt um nokkrar bílveltur. Alvarleg slys hafa þó ekki orðið á fólki.

Lögregla beinir þeim tilmælum til fólks að stilla ökuhraða í hóf og huga að dekkjabúnaði bifreiða. Mikið slabb er á vegum og skyggni oft lélegt.