Ţorvaldur: Ásgeir og Arnór spiluđu međ stćrri liđum en Gylfi og unnu titla

 
Enski boltinn
12:30 05. JANÚAR 2016

Gylfi Þór Sigurðsson hefur spilað vel að undanförnu fyrir Swansea og virðist vera að komast í gírinn, en hann skoraði eina mark liðsins í 2-1 tapi gegn Manchester United um síðustu helgi.

Gylfi Þór er búinn að skora þrjú mörk á tímabilinu og gefa þrjár stoðsendingar en á sama tíma í fyrra var hann búinn að skora þrjú mörk og gefa átta stoðsendingar.

Sjá einnig: Gylfi Þór fékk hæstu einkunn Swansea á Old Trafford

„Þetta er ekki dæmigert Gylfa-mark. Hann skorar ekki mörg með skalla en þarna er hann klókur. Hann var virkilega góður í þessum leik og í leiknum á undan. Í síðustu þremur leikjum hefur hann verið virkilega góður og virðist vera finna sitt gamla form,“ sagði Arnar Gunnlaugsson um Gylfa í Messunni á Stöð 2 Sport 2 HD í gærkvöldi.

Hjörvar Hafliðason, Messustjóri, benti á það að Gylfi væri á síðastliðnum 18 mánuðum búinn að skora á móti Manchester United í tvígang, Arsenal, Liverpool og Tottenham. Honur líður því vel í stóru leikjunum.

Hjörvar sagði svo að Gylfi hefði gert það sem aðrir bestu leikmenn Íslandssögunnar gerðu aldrei, en það er að koma Íslandi á stórmót. Nefndi hann þar til menn á borð við Arnór Guðjohnsen, Eið Smára og Ásgeir Sigurvinsson.

Gylfi var besti leikmaður íslenska landsliðsins í undankeppni EM 2016, en hann skoraði sex mörk og var valinn í úrvalsliðs undankeppninnar.

„Hann var lykilmaðurinn ásamt nokkrum öðrum að koma okkur áfram á EM. Munurinn á honum og svo Arnóri og Ásgeiri er að þeir spiluðu fyrir stærri lið og unnu titla,“ sagði Þorvaldur Örlygsson um samanburðinn á þessum fótboltasnillingum.

Alla umræðuna þar sem einnig er rætt um kjör íþróttamanns ársins má sjá í spilaranum hér að ofan.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Ţorvaldur: Ásgeir og Arnór spiluđu međ stćrri liđum en Gylfi og unnu titla
Fara efst