Viðskipti innlent

Þorsteinn nýr framkvæmdastjóri Sjálfsbjargar

Atli Ísleifsson skrifar
Þorsteinn Fr. Sigurðsson.
Þorsteinn Fr. Sigurðsson.
Þorsteinn Fr. Sigurðsson rekstrarhagfræðingur hefur verið ráðinn framkvæmdastjóri Sjálfsbjargar landssambands fatlaðra.

Þorsteinn tekur við starfinu af Tryggva Friðjónssyni sem hverfur aftur til starfa sem framkvæmdastjóri Sjálfsbjargarheimilisins.

Í tilkynningu kemur fram að Þorsteinn sé menntaður rekstrarhagfræðingur auk þess sem hann hafi einnig meistaragráðu í lögum.

„Síðustu mánuði hefur hann gengt starfi verkefnastjóra hjá Sjálfsbjargarheimilinu. Áður var hann framkvæmdastjóri STARF – vinnumiðlun og ráðgjöf (2012-2015) sem var tilraunaverkefni á vegum SA og ASÍ. Þá var hann  framkvæmdastjóri Stjórnlagaráðs (2010-2012), og framkvæmdastjóri Bandalags íslenskra skáta (1992-2009).

Þorsteinn hefur jafnframt víðtæka reynslu af félagsmálum og rekstri félagasamtaka og er því mikill fengur að fá hann til starfa fyrir Sjálfsbjörg.

Um leið og Þorsteinn er boðinn velkominn til starfa er Tryggva þökkuð vel unnin störf fyrir landssambandið, en hann hefur gengt starfi framkvæmdastjóra þess samhliða starfi framkvæmdastjóra Sjálfsbjargarheimilisins frá 2011 og mun nú alfarið stýra starfi þess á ný,“ segir í tilkynningu.






Fleiri fréttir

Sjá meira


×