Sport

Þjálfari Bills þóttist vera blaðamaður | Myndband

Henry Birgir Gunnarsson skrifar
Það er alltaf stutt í grínið hjá Rex.
Það er alltaf stutt í grínið hjá Rex. vísir/getty
Þjálfari NFL-liðsins Buffalo Bills, Rex Ryan, er mikill sprelligosi og getur augljóslega brugðið sér í allra kvikinda líki.

Lið Ryan á að spila við New England Patriots um næstu helgi og er mikil umræða um hver verði leikstjórnandi Patriots í leiknum.

Ekki er hreinlega útilokað að útherjinn Julian Edelman verði leikstjórnandi þar sem Tom Brady er í banni og báðir varamenn hans að glíma við meiðsli.

Blaðamenn frá Buffalo voru með Edelman í símaviðtali í blaðamannaaðstöðu Bills og Rex sá sér þar leik á borði. Þóttist vera blaðamaður og spurði Edelman hreint út hvort hann myndi spila sem leikstjórnandi.

Þetta skemmtilega atvik má sjá hér að neðan.

NFL



Fleiri fréttir

Sjá meira


×