Þessi þjáning er yndisleg Eiríkur Stefán Ásgeirsson skrifar 21. apríl 2015 07:45 Hlustið á mig. Óskar Bjarni Óskarsson, þjálfari Vals, leggur línurnar fyrir sína menn. Valsmenn verða að vinna Hauka í kvöld. Fréttablaðið/Stefán „Allar klisjurnar eiga við og þær eru allar réttar. Við verðum bara að vinna þennan leik, ekkert annað dugir til,“ segir línumaðurinn Kári Kristján Kristjánsson hjá Val en annað árið í röð er deildarmeistarinn 2-0 undir í undanúrslitunum. Í fyrra voru Haukar í þeirri stöðu en þeir náðu að snúa stöðunni sér í vil og fara í úrslitin með því að vinna næstu þrjá leiki gegn FH. Valsmenn þurfa því að leika þennan sama leik, einmitt gegn Haukum, og byrja á því á heimavelli í kvöld. Haukar hafa 2-0 forystu í einvígi liðanna og hafa komið deildarmeisturunum í mikil vandræði. Haukar urðu af Íslandsmeistaratitlinum í fyrra eftir æsilega rimmu gegn ÍBV og ætla sér alla leið í ár – það er augljóst á leik þeirra. „Ég er ekkert að spá í hvað þeir eru að hugsa. Ég er meira að hugsa um okkur. Við vitum að möguleikarnir eru til staðar og við vitum að við eigum í fullu tré við þetta lið,“ bætir Kári Kristján við. Hann hrósar liði Haukanna og segir að liðið hafi verið einna best í deildinni eftir áramót. En Valsmenn geta engu að síður sjálfum sér um kennt að stórum hluta. „Fyrsti leikurinn var skelfilegur. Svo einfalt var það. En við fórum illa að ráði okkar í næsta leik. Bæði var skotnýtingin léleg og einnig nýttum við illa þau hraðaupphlaup sem við fengum. Haukar töpuðu átta boltum í leiknum og það verðum við að nýta okkur.“35% skotnýting Óskar Bjarni Óskarsson, þjálfari Vals, tekur undir þetta. „Við hefðum getað klárað leikinn með því að nýta hraðaupphlaupin betur,“ sagði hann. „Það er sérstaklega mikilvægt þegar sóknarleikurinn gengur jafn illa og í þeim leik.“ Valsmenn skoruðu aðeins nítján mörk á Ásvöllum um helgina og skotnýting liðsins var 35%. Lykilmenn eins og Guðmundur Hólmar Helgason voru langt frá sínu besta en hann nýtti aðeins tvö af fjórtán skotum sínum í leiknum. „Við vorum að taka ákvarðanir of snemma og koma of hægt á vörnina þeirra. Það var ekki gott „flot“ í leiknum okkar og þeir náðu að stýra okkur í að taka þægileg skot fyrir vörnina þeirra og markvörðinn – sem hefur verið frábær. En þó svo að hann sé góður er hægt að gera mun betur gegn honum.“ Óskar Bjarni hefur þrátt fyrir allt ekki áhyggjur – það er að minnsta kosti ekki að heyra á honum. „Þessi þjáning er yndisleg. Úrslitakeppnin er jól og hátíð fyrir okkur þjálfarana og bara gaman. Þetta er erfið staða en við verðum að vinna úr henni. Við þurfum bara að vinna einn leik og þá er þetta orðið að einvígi á ný,“ segir hann og segir að það sé engin krísa á Hlíðarenda. „Auðvitað kemur upp ótti og hræðsla í fólkinu í kringum mann þegar liðið er 2-0 undir. En leikmenn hafa statt og stöðugt trú á því að þeir geta klárað þetta. Það er engin þörf á hallarbyltingu – við verðum bara að vinna rétt úr hlutunum. Auðvitað er það svo að við þurfum að athuga vel okkar gang, skoða leik okkar og vinna úr vandamálunum. Ekkert gerist af sjálfu sér.“Drottning og „burger“ Kári Kristján er ánægður með þann stuðning sem Valsmenn hafa fengið og á von á enn betri mætingu í kvöld en í fyrstu tveimur leikjunum. „Eurovision-drottningin kemur meira að segja og þenur raddböndin fyrir okkur. Er hægt að biðja um meira en að fá borgara og Maríu Ólafs?“ spyr línumaðurinn í léttum tón. Í hinni undanúrslitarimmunni eigast við nýliðar Aftureldingar og ÍR. Þar er staðan 1-1 en liðin mætast í Mosfellsbæ í kvöld. Báðir leikir hefjast klukkan 19.30. Eurovision Olís-deild karla Mest lesið Tveir nítján ára handteknir fyrir nauðgun Enski boltinn Bergrós aftur best í heimi og fjögur frá Íslandi í undanúrslitum Sport Slapp við rautt þrátt fyrir fólskubrot: „Einhver þarf að útskýra þetta fyrir mér“ Enski boltinn Infantino: Stórkostlegt að hitta Þorvald Fótbolti Liverpool hefur viðræður við Arne Slot Enski boltinn „Ég hefði bara átt að taka leikhlé“ Handbolti Sjáðu mömmu Remy Martin syngja og dansa á hliðarlínunni Körfubolti Danijel Djuric á markið: Annars hefði ég aldrei fagnað svona Íslenski boltinn Fyllir Slot upp í tómarúmið sem Klopp skilur eftir sig? Enski boltinn Ungir strákar þarna úti sem gætu spilað á HM á Íslandi Handbolti Fleiri fréttir Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Sjá meira
„Allar klisjurnar eiga við og þær eru allar réttar. Við verðum bara að vinna þennan leik, ekkert annað dugir til,“ segir línumaðurinn Kári Kristján Kristjánsson hjá Val en annað árið í röð er deildarmeistarinn 2-0 undir í undanúrslitunum. Í fyrra voru Haukar í þeirri stöðu en þeir náðu að snúa stöðunni sér í vil og fara í úrslitin með því að vinna næstu þrjá leiki gegn FH. Valsmenn þurfa því að leika þennan sama leik, einmitt gegn Haukum, og byrja á því á heimavelli í kvöld. Haukar hafa 2-0 forystu í einvígi liðanna og hafa komið deildarmeisturunum í mikil vandræði. Haukar urðu af Íslandsmeistaratitlinum í fyrra eftir æsilega rimmu gegn ÍBV og ætla sér alla leið í ár – það er augljóst á leik þeirra. „Ég er ekkert að spá í hvað þeir eru að hugsa. Ég er meira að hugsa um okkur. Við vitum að möguleikarnir eru til staðar og við vitum að við eigum í fullu tré við þetta lið,“ bætir Kári Kristján við. Hann hrósar liði Haukanna og segir að liðið hafi verið einna best í deildinni eftir áramót. En Valsmenn geta engu að síður sjálfum sér um kennt að stórum hluta. „Fyrsti leikurinn var skelfilegur. Svo einfalt var það. En við fórum illa að ráði okkar í næsta leik. Bæði var skotnýtingin léleg og einnig nýttum við illa þau hraðaupphlaup sem við fengum. Haukar töpuðu átta boltum í leiknum og það verðum við að nýta okkur.“35% skotnýting Óskar Bjarni Óskarsson, þjálfari Vals, tekur undir þetta. „Við hefðum getað klárað leikinn með því að nýta hraðaupphlaupin betur,“ sagði hann. „Það er sérstaklega mikilvægt þegar sóknarleikurinn gengur jafn illa og í þeim leik.“ Valsmenn skoruðu aðeins nítján mörk á Ásvöllum um helgina og skotnýting liðsins var 35%. Lykilmenn eins og Guðmundur Hólmar Helgason voru langt frá sínu besta en hann nýtti aðeins tvö af fjórtán skotum sínum í leiknum. „Við vorum að taka ákvarðanir of snemma og koma of hægt á vörnina þeirra. Það var ekki gott „flot“ í leiknum okkar og þeir náðu að stýra okkur í að taka þægileg skot fyrir vörnina þeirra og markvörðinn – sem hefur verið frábær. En þó svo að hann sé góður er hægt að gera mun betur gegn honum.“ Óskar Bjarni hefur þrátt fyrir allt ekki áhyggjur – það er að minnsta kosti ekki að heyra á honum. „Þessi þjáning er yndisleg. Úrslitakeppnin er jól og hátíð fyrir okkur þjálfarana og bara gaman. Þetta er erfið staða en við verðum að vinna úr henni. Við þurfum bara að vinna einn leik og þá er þetta orðið að einvígi á ný,“ segir hann og segir að það sé engin krísa á Hlíðarenda. „Auðvitað kemur upp ótti og hræðsla í fólkinu í kringum mann þegar liðið er 2-0 undir. En leikmenn hafa statt og stöðugt trú á því að þeir geta klárað þetta. Það er engin þörf á hallarbyltingu – við verðum bara að vinna rétt úr hlutunum. Auðvitað er það svo að við þurfum að athuga vel okkar gang, skoða leik okkar og vinna úr vandamálunum. Ekkert gerist af sjálfu sér.“Drottning og „burger“ Kári Kristján er ánægður með þann stuðning sem Valsmenn hafa fengið og á von á enn betri mætingu í kvöld en í fyrstu tveimur leikjunum. „Eurovision-drottningin kemur meira að segja og þenur raddböndin fyrir okkur. Er hægt að biðja um meira en að fá borgara og Maríu Ólafs?“ spyr línumaðurinn í léttum tón. Í hinni undanúrslitarimmunni eigast við nýliðar Aftureldingar og ÍR. Þar er staðan 1-1 en liðin mætast í Mosfellsbæ í kvöld. Báðir leikir hefjast klukkan 19.30.
Eurovision Olís-deild karla Mest lesið Tveir nítján ára handteknir fyrir nauðgun Enski boltinn Bergrós aftur best í heimi og fjögur frá Íslandi í undanúrslitum Sport Slapp við rautt þrátt fyrir fólskubrot: „Einhver þarf að útskýra þetta fyrir mér“ Enski boltinn Infantino: Stórkostlegt að hitta Þorvald Fótbolti Liverpool hefur viðræður við Arne Slot Enski boltinn „Ég hefði bara átt að taka leikhlé“ Handbolti Sjáðu mömmu Remy Martin syngja og dansa á hliðarlínunni Körfubolti Danijel Djuric á markið: Annars hefði ég aldrei fagnað svona Íslenski boltinn Fyllir Slot upp í tómarúmið sem Klopp skilur eftir sig? Enski boltinn Ungir strákar þarna úti sem gætu spilað á HM á Íslandi Handbolti Fleiri fréttir Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Haukur og félagar byrja undanúrslitin vel Þýðir ekki að mæta með hangandi haus: „Það er ekkert bull“ „Hef enga trú á því að Þjóðarhöll verði risin árið 2031“ Fjórtán íslensk mörk og Magdeburg á toppinn Úlfurinn gæti farið til Magdeburg Svona var blaðamannafundur Snorra Steins Perla frá Perlu eitt af flottustu mörkum undankeppninnar Hvað viltu meira? „Góð aðventa með handbolta og skíðum“ Hergeir til Hauka Arnar Freyr öflugur í góðum sigri Melsungen Sveinn Andri samdi við Stjörnuna Sjá meira