Þegar andstæður mætast Einar Ólafsson skrifar 20. júní 2016 11:01 Þegar andstæður mætast verða nýjungar til. Þegar mótorinn mætir hestakerrunni fæðist bíll, þegar óreiðukenndur nútími mætir ljóðinu verður til Únglíngurinn í skóginum, þegar rafmagnið mætir gítarnum kemur rokk og ról og þegar fiðlubogi bætist við verður til Sigurrós. Nýjungar verða til á jaðrinum, jafnvel í Krikanum og þaðan berast þær um heiminn og verða miðlægar, svið skarast, tæknin byltir atvinnugreinum og breytir samskiptamynstrum, búsetuskilyrðum og heimsmyndinni. (Andri Snær Magnason, 2007 við hönnun Krikaskóla í Mosfellsbæ) Ég átti þess kost að vinna með Andra Snæ við hönnun á Krikaskóla í Mosfellsbæ. Hans þáttur í hönnunarferlinu var meðal annars að skilgreina hlutverk skólans gagnvart börnunum, kennurum og nærsamfélaginu við skólann. Hann vann það í samvinnu við hóp arkitekta, þar á meðal undirritaðan, skólamenn, verkfræðinga, og landslagsarkitekt. Við áttum fjölmarga fundi og okkur var öllum ljóst að við vorum að brjóta blað í sögu hönnunar á skólum hér á landi. Hér átti að vanda til verka. Mosfellsbær lagði línurnar um hvernig staðið skyldi að verki. Samhliða skyldi hanna skólastefnu utan um rekstur skólans og byggingu sem styddi við skólastefnuna. Þetta þurfti allt að haldast í hendur. Arkitektateymið valdi Andra Snæ ásamt tveimur mjög reyndum skólastjórum og verkfræðingastofu til samstarfs. Afraksturinn varð skóli sem þáverandi menntamálaráðherra sagði að væri fyrirmynd allra skóla. Svona ættu allir skólar að vera. Andri Snær átti stóran þátt í að svo vel tókst til. Hið manngerða átti að sameinast náttúrunni. Aukið svigrúm átti að skapast bæði úti og inni, líkt og skólastefnan sagði til um, úr varð bygging með stórum og breiðum svölum þar sem lítið var um húsgögn – hver segir að maður læri betur sitjandi en liggjandi?Skólastarf er eitt stærsta svið íslensks samfélags, skólinn er einn stærsti hluti af lífi okkar sem einstaklinga og í framtíðinni enn stærri þáttur þar sem nám mun fléttast inn í allt ævistarfið. Framtíðin er óviss, við vitum ekki hvaða tækni, hvaða þekking eða hvaða atvinnugreinar verða ríkjandi árið 2035 þegar fyrstu nemendur skólans stíga sín fyrstu skref út í atvinnulífið. Við vitum það eitt að menn þurfa sterka sjálfsmynd, að kunna tök á sjálfum sér og mannlegum samskiptum og fjölbreyttum hæfileikum sínum. (Andri Snær Magnason, 2007 við hönnun Krikaskóla í Mosfellsbæ) Skóli og menntun er eitt af því sem Andri Snær brennur fyrir. Hann er einlægur í sínum skoðunum og verkum. Það kom svo berlega í ljós í öllu hönnunarferlinu. Hann kunni svo vel að „grípa bolta“, hugsa, íhuga og „henda til baka“, skiptast á skoðunum. Ræða fram og til baka í leit að góðum lausnum. Andri Snær sýndi það svo vel að hann er mjög lausnamiðaður. Frjór í hugsun og skildi svo vel þörfina á góðum skóla, öðruvísi skólastarfi. Við megum ekki festast um of í gömlum hefðum heldur verðum við að nýta tæknina til að búa til ný störf í framtíðinni. Störf sem við vitum ekki í dag hvað munu heita. Þetta skilur Andri Snær og hefur margoft sagt. Hann skilur núið og framtíðina. Þess vegna er Krikaskóli svona vinsæll skóli bæði af nemendum, kennurum og foreldrum. Andri Snær á stóran þátt í því. Viltu birta grein á Vísi? Sendu okkur póst. Senda grein Mest lesið Stuðningur úr óvæntri átt Hjörtur J. Guðmundsson Skoðun Konur sem eiga ekki að eignast börn Diljá Mist Einarsdóttir Skoðun Hlutabréfafjárfesting er langtímafjárfesting Davíð Björnsson Skoðun Bændur eru líka neytendur Eyjólfur Ingvi Bjarnason Skoðun Vinstri gráir Yngvi Óttarsson Skoðun Gleymdu börnin Kolbrún Pálsdóttir Skoðun Framsókn klárar verkin Halla Signý Kristjánsdóttir Skoðun Skynsamlegt að selja Íslandsbanka Teitur Björn Einarsson Skoðun Sameinum 2. og 3. deild karla í knattspyrnu Bergvin Oddsson Skoðun Þjóðarópera - stórt skref til framtíðar Andri Björn Róbertsson Skoðun Skoðun Skoðun Gervigreind og máttur tungumálsins Þorsteinn Siglaugsson skrifar Skoðun Sameinum 2. og 3. deild karla í knattspyrnu Bergvin Oddsson skrifar Skoðun Skynsamlegt að selja Íslandsbanka Teitur Björn Einarsson skrifar Skoðun Gleymdu börnin Kolbrún Pálsdóttir skrifar Skoðun Vinstri gráir Yngvi Óttarsson skrifar Skoðun Bændur eru líka neytendur Eyjólfur Ingvi Bjarnason skrifar Skoðun Hlutabréfafjárfesting er langtímafjárfesting Davíð Björnsson skrifar Skoðun Stuðningur úr óvæntri átt Hjörtur J. Guðmundsson skrifar Skoðun Loftslagsmál eru orkumál Nótt Thorberg skrifar Skoðun Framsókn klárar verkin Halla Signý Kristjánsdóttir skrifar Skoðun Þjóðarópera - stórt skref til framtíðar Andri Björn Róbertsson skrifar Skoðun Veiðum hval - virðum lög Þorsteinn Sæmundsson skrifar Skoðun Bestu árin Álfhildur Leifsdóttir,Hólmfríður Jennýjar Árnadóttir,Sigríður Gísladóttir skrifar Skoðun Brunavarnir á byggingarsvæðum Böðvar Tómasson skrifar Skoðun Rödd þjóðarinnar Arnar Þór Jónsson skrifar Skoðun Opið bréf til matvælaráðherra - dýraníð í Borgarbyggð Árni Stefán Árnason skrifar Skoðun 1.500 undirskriftir fyrir forseta Björn Leví Gunnarsson,Indriði Ingi Stefánsson skrifar Skoðun Líknardeild Landspítala 25 ára Ólöf Ásdís Ólafsdóttir,Arna Dögg Einarsdóttir skrifar Skoðun Hverjum er treystandi? Tjáningarfrelsið og upplýst umræða Helgi Áss Grétarsson skrifar Skoðun Þurfum við að tala um endó? Lilja Guðmundsdóttir skrifar Skoðun Konur sem eiga ekki að eignast börn Diljá Mist Einarsdóttir skrifar Skoðun Nýr Kjalvegur - Hraðbraut í gegnum hálendið Ágústa Ágústsdóttir skrifar Skoðun Óvinsælastur í heimi Árni Pétur Árnason skrifar Skoðun Margföldun raforkuverðs Högni Elfar Gylfason skrifar Skoðun Orka, loftslag og náttúra Guðmundur Ingi Guðbrandsson skrifar Skoðun Vorleysingar vitundarinnar á ævikvöldinu Matthildur Björnsdóttir skrifar Skoðun Nærandi ferðaþjónusta Hildur Guðbjörg Kristjánsdóttir skrifar Skoðun Boðskapur frá forsetaframbjóðanda Ásdís Rán Gunnarsdóttir skrifar Skoðun Opinber umræða fyrir hvern? Þorbjörg Þorvaldsdóttir skrifar Skoðun „Þetta reddast!“ Dóra Björt Guðjónsdóttir skrifar Sjá meira
Þegar andstæður mætast verða nýjungar til. Þegar mótorinn mætir hestakerrunni fæðist bíll, þegar óreiðukenndur nútími mætir ljóðinu verður til Únglíngurinn í skóginum, þegar rafmagnið mætir gítarnum kemur rokk og ról og þegar fiðlubogi bætist við verður til Sigurrós. Nýjungar verða til á jaðrinum, jafnvel í Krikanum og þaðan berast þær um heiminn og verða miðlægar, svið skarast, tæknin byltir atvinnugreinum og breytir samskiptamynstrum, búsetuskilyrðum og heimsmyndinni. (Andri Snær Magnason, 2007 við hönnun Krikaskóla í Mosfellsbæ) Ég átti þess kost að vinna með Andra Snæ við hönnun á Krikaskóla í Mosfellsbæ. Hans þáttur í hönnunarferlinu var meðal annars að skilgreina hlutverk skólans gagnvart börnunum, kennurum og nærsamfélaginu við skólann. Hann vann það í samvinnu við hóp arkitekta, þar á meðal undirritaðan, skólamenn, verkfræðinga, og landslagsarkitekt. Við áttum fjölmarga fundi og okkur var öllum ljóst að við vorum að brjóta blað í sögu hönnunar á skólum hér á landi. Hér átti að vanda til verka. Mosfellsbær lagði línurnar um hvernig staðið skyldi að verki. Samhliða skyldi hanna skólastefnu utan um rekstur skólans og byggingu sem styddi við skólastefnuna. Þetta þurfti allt að haldast í hendur. Arkitektateymið valdi Andra Snæ ásamt tveimur mjög reyndum skólastjórum og verkfræðingastofu til samstarfs. Afraksturinn varð skóli sem þáverandi menntamálaráðherra sagði að væri fyrirmynd allra skóla. Svona ættu allir skólar að vera. Andri Snær átti stóran þátt í að svo vel tókst til. Hið manngerða átti að sameinast náttúrunni. Aukið svigrúm átti að skapast bæði úti og inni, líkt og skólastefnan sagði til um, úr varð bygging með stórum og breiðum svölum þar sem lítið var um húsgögn – hver segir að maður læri betur sitjandi en liggjandi?Skólastarf er eitt stærsta svið íslensks samfélags, skólinn er einn stærsti hluti af lífi okkar sem einstaklinga og í framtíðinni enn stærri þáttur þar sem nám mun fléttast inn í allt ævistarfið. Framtíðin er óviss, við vitum ekki hvaða tækni, hvaða þekking eða hvaða atvinnugreinar verða ríkjandi árið 2035 þegar fyrstu nemendur skólans stíga sín fyrstu skref út í atvinnulífið. Við vitum það eitt að menn þurfa sterka sjálfsmynd, að kunna tök á sjálfum sér og mannlegum samskiptum og fjölbreyttum hæfileikum sínum. (Andri Snær Magnason, 2007 við hönnun Krikaskóla í Mosfellsbæ) Skóli og menntun er eitt af því sem Andri Snær brennur fyrir. Hann er einlægur í sínum skoðunum og verkum. Það kom svo berlega í ljós í öllu hönnunarferlinu. Hann kunni svo vel að „grípa bolta“, hugsa, íhuga og „henda til baka“, skiptast á skoðunum. Ræða fram og til baka í leit að góðum lausnum. Andri Snær sýndi það svo vel að hann er mjög lausnamiðaður. Frjór í hugsun og skildi svo vel þörfina á góðum skóla, öðruvísi skólastarfi. Við megum ekki festast um of í gömlum hefðum heldur verðum við að nýta tæknina til að búa til ný störf í framtíðinni. Störf sem við vitum ekki í dag hvað munu heita. Þetta skilur Andri Snær og hefur margoft sagt. Hann skilur núið og framtíðina. Þess vegna er Krikaskóli svona vinsæll skóli bæði af nemendum, kennurum og foreldrum. Andri Snær á stóran þátt í því.