The Kennedys hefur göngu sína á Stöð 2

Saga Kennedy-fjölskyldunnar er mjög litrík og áhugaverð. Í þáttunum er fylgst með lífshlaupi John F. Kennedy, frá fyrstu skrefum hans í stjórnmálum, að valdatíð hans á forsetastóli og sviplegu dauðsfalli. Fjallað er um sögu hans bæði í skrautlegu einkalífinu sem og átökum á sviði stjórnmálanna. Meðal þeirra sem koma við sögu eru Jaqueline Kennedy, Frank Sinatra, Marilyn Monroe, J. Edgar Hoover og Lyndon B. Johnson. Fáir sjónvarpsþættir hafa vakið jafnmikla athygli á undanförnum árum. Hver sjónvarpsstöðin af annarri hætti við að sýna þættina og leikstjórinn, Jon Cassar, sagði ástæðuna vera að valdamiklir menn úr heimi stjórnmálanna og með tengingar í Kennedy-fjölskylduna hefðu beitt áhrifum sínum. Þættirnir voru að lokum sýndir á kapalstöðinni ReelzChannel og hlutu mjög góðar viðtökur. Þáttaröðin vann til þrennra Emmy-verðlauna á síðustu verðlaunahátíð. The Kennedys er á dagskrá á sunnudögum kl. 21.05 á Stöð 2