Þarf að vera tilgangur? Haukur Viðar Alfreðsson skrifar 16. apríl 2011 21:00 Bíó Barney‘s Version Leikstjóri: Richard J. Lewis Aðalhlutverk: Paul Giamatti, Rosamund Pike, Dustin Hoffman, Minnie Driver, Scott Speedman, Bruce Greenwood. Paul Giamatti leikur Barney Panofsky, bitran og léttklikkaðan sjónvarpsþáttaframleiðanda sem hefur farið illa með sig í gegnum árin. Hann hefur verið kvæntur í þrígang, hann á við drykkjuvandamál að stríða og hefur í þrjá áratugi verið grunaður um að hafa orðið vini sínum að bana, þrátt fyrir að aldrei hafi neitt sannast á hann. Barney rifjar upp fortíðina, hjónabönd sín og dauðsfall vinarins. Stærsti hluti myndarinnar samanstendur af svipmyndum úr fortíðinni. Eða allavega eins og Barney man eftir þeim. Giamatti er afskaplega hæfileikaríkur leikari og með dyggri aðstoð förðunarteymisins nær hann að túlka þennan geðstirða gamlingja á sannfærandi hátt. Giamatti sjálfur er ekki nema rétt skriðinn yfir fertugt. Dustin Hoffman er síðan hryllilega fyndinn sem hinn kynóði og ávallt pínlegi pabbi Barneys. Aðrir leikarar standa sig einnig ljómandi vel. Minnie Driver á til dæmis stutta en skemmtilega innkomu sem leiðinlegasta kona heims. Í raun er Barney samt algjör drullusokkur. Hann telur sig ætíð vera að gera rétt, en það forðar honum þó ekki frá því að sýna svínslega hegðun trekk í trekk. Það getur verið erfitt að gleyma sér í mynd þar sem aðalpersónan er siðblint fól, en persónan er áhugaverð og Giamatti gerir hana mannlega. Svei mér þá, mér var farið að þykja vænt um óbermið undir restina. Myndin reynir aldrei að þröngva siðferðisboðskap upp á áhorfandann. Margar myndir vilja kenna manni lexíu um lífið, binda hlutina snyrtilega saman í lokin, og virðast hafa skýran tilgang. Barney‘s Version er hins vegar óræð og leyfir ímyndunaraflinu að leika lausum hala. Er tilgangur með myndinni? Þarf að vera tilgangur? Nafn sjónvarpsþáttafyrirtækis Barneys, Totally Unnecessary Productions, er mögulega vísbending um „mikilvægi“ hans sem manneskju. Hann er allur af vilja gerður, en þegar öllu er á botninn hvolft hefur hann lítið fram að færa. Til þess er hann of eigingjarn. Niðurstaða: Lágstemmd og óvenjuleg mynd um mann sem maður vill síður þekkja. Paul Giamatti heldur myndinni þó vel fyrir ofan meðalmennskuna. Mest lesið Hjólhýsabyggðin á Laugarvatni og Húsið á Eyrarbakka Lífið Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið „Þetta var svolítið biblíuleg mynd“ Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Ósanngjarnt hvernig stúlkan var dregin inn í umræðu sem var að miklu leyti „algjör þvæla“ Lífið Kappakstur milli Hjálmars og Magneu Lífið Bein útsending: Heimir Guðjóns og Höddi Magg í einvígi aldarinnar Lífið Fleiri fréttir Tröllaukinn kór valtaði yfir pínulítinn píanóleikara True Detective: Draugagangur á Dalvík Víkingur tryllti og stillti Fangelsi, fyllerí og fjandinn sjálfur The Holdovers: Eftirlegukindur á heimavist Sjá meira
Bíó Barney‘s Version Leikstjóri: Richard J. Lewis Aðalhlutverk: Paul Giamatti, Rosamund Pike, Dustin Hoffman, Minnie Driver, Scott Speedman, Bruce Greenwood. Paul Giamatti leikur Barney Panofsky, bitran og léttklikkaðan sjónvarpsþáttaframleiðanda sem hefur farið illa með sig í gegnum árin. Hann hefur verið kvæntur í þrígang, hann á við drykkjuvandamál að stríða og hefur í þrjá áratugi verið grunaður um að hafa orðið vini sínum að bana, þrátt fyrir að aldrei hafi neitt sannast á hann. Barney rifjar upp fortíðina, hjónabönd sín og dauðsfall vinarins. Stærsti hluti myndarinnar samanstendur af svipmyndum úr fortíðinni. Eða allavega eins og Barney man eftir þeim. Giamatti er afskaplega hæfileikaríkur leikari og með dyggri aðstoð förðunarteymisins nær hann að túlka þennan geðstirða gamlingja á sannfærandi hátt. Giamatti sjálfur er ekki nema rétt skriðinn yfir fertugt. Dustin Hoffman er síðan hryllilega fyndinn sem hinn kynóði og ávallt pínlegi pabbi Barneys. Aðrir leikarar standa sig einnig ljómandi vel. Minnie Driver á til dæmis stutta en skemmtilega innkomu sem leiðinlegasta kona heims. Í raun er Barney samt algjör drullusokkur. Hann telur sig ætíð vera að gera rétt, en það forðar honum þó ekki frá því að sýna svínslega hegðun trekk í trekk. Það getur verið erfitt að gleyma sér í mynd þar sem aðalpersónan er siðblint fól, en persónan er áhugaverð og Giamatti gerir hana mannlega. Svei mér þá, mér var farið að þykja vænt um óbermið undir restina. Myndin reynir aldrei að þröngva siðferðisboðskap upp á áhorfandann. Margar myndir vilja kenna manni lexíu um lífið, binda hlutina snyrtilega saman í lokin, og virðast hafa skýran tilgang. Barney‘s Version er hins vegar óræð og leyfir ímyndunaraflinu að leika lausum hala. Er tilgangur með myndinni? Þarf að vera tilgangur? Nafn sjónvarpsþáttafyrirtækis Barneys, Totally Unnecessary Productions, er mögulega vísbending um „mikilvægi“ hans sem manneskju. Hann er allur af vilja gerður, en þegar öllu er á botninn hvolft hefur hann lítið fram að færa. Til þess er hann of eigingjarn. Niðurstaða: Lágstemmd og óvenjuleg mynd um mann sem maður vill síður þekkja. Paul Giamatti heldur myndinni þó vel fyrir ofan meðalmennskuna.
Mest lesið Hjólhýsabyggðin á Laugarvatni og Húsið á Eyrarbakka Lífið Veltir fyrir sér hvort hann sé dottinn úr tísku Lífið Páll Óskar genginn í það heilaga: „Besti dagur lífs okkar“ Lífið „Þetta var svolítið biblíuleg mynd“ Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Ósanngjarnt hvernig stúlkan var dregin inn í umræðu sem var að miklu leyti „algjör þvæla“ Lífið Kappakstur milli Hjálmars og Magneu Lífið Bein útsending: Heimir Guðjóns og Höddi Magg í einvígi aldarinnar Lífið Fleiri fréttir Tröllaukinn kór valtaði yfir pínulítinn píanóleikara True Detective: Draugagangur á Dalvík Víkingur tryllti og stillti Fangelsi, fyllerí og fjandinn sjálfur The Holdovers: Eftirlegukindur á heimavist Sjá meira