Formúla 1

Symonds: Öfug rásröð gæti aukið framúrakstur

Kristinn Ásgeir Gylfason skrifar
Pat Symonds tæknistjóri Williams. Ætli hann sé með lausnina?
Pat Symonds tæknistjóri Williams. Ætli hann sé með lausnina? Vísir/Getty
Tæknistjóri Williams liðsins í Formúlu 1, Pat Symonds, telur að öfug rásröð myndi þvinga lið til að hanna bíla sem geta betur tekið framúr. Yfirmenn Formúlu 1 liða munu í vikunni taka ákvörðun um reglur ársins 2017.

Margir hafa lýst áhyggjum sínum af því að þær reglur sem þegar hafa verið lagðar fram hjálpi stuðli ekki að auknum framúrakstri og að litlar breytingar verði. Nema þá að bílarnir fara hraðar yfir.

Hugmyndin um öfuga rásröðun hefur komið upp og verið rædd. Hún snýst um að eftir tímatökuna á laugardegi verði haldin stutt keppni þar sem rásröðin er öfug miðað við úrslit tímatökunnar. Úrslit tímatökunnar myndu þó áfram gilda um keppni sunnudagsins.

Markmiðið væri aðhafa laugardagskeppnina nógu mikilvæga, stigalega séð. Það myndi fá hönnuði bílanna til að velta fyrir sér hvernig þeir haga sér við framúrakstur og þegar þeir aka rétt á eftir öðrum bíl.

Þetta er nú þegar vandamál, bæði heimsmeistarinn Lewis Hamilton og fyrrum heimsmeistarinn Sebastian Vettel hafa bent á að þetta verði að breytast. Enda séu bílarnir nú til dags hannaðir til að aka í hreinu lofti, fremstir.

„Ef við snúum hlutunum aðeins á hvolf og segjum að það skipti ekki máli hversu góður bíllinn þinn er, hann mun samt þurfa að aka í trufluðu lofti á eftir öðrum, þá gætir þú sagt að þá þurfi að hanna bílinn þannig að hann sé góður í hreinu lofti og virki líka vel í trufluð loftflæði, til þess að ná sem mestum árangri yfir tímabilið,“ sagði Symonds.

Aðspurður hvort öfuga rásröðin kæmi til greina árið 2017 svaraði hann því að það væri sennilega of seint núna. „Reglurnar eiga að birtast 1. maí í síðastalagi,“ sagði Symonds.

„Þetta er þó hægt en einhver þarf að borga fyrir það, einhver þarf að framkvæma það og það þarf nánast að neyða okkur til að vakna upp og fara að gera það sem almenningur vill sjá,“ sagði Symonds að lokum.


Tengdar fréttir

Wolff er gapandi yfir þroska Hamilton

Toto Wolff, liðsstjóri Mercedes liðsins í Formúlu 1 segir að Lewis Hamilton hafi þroskast gríðarlega mikið síðan hann kom til liðsins.

Pirelli fær 25 prófunardaga á ári

Alþjóðlega akstursíþróttaráðið hefur samþykkt að dekkjaframleiðandinn Pirelli fái 25 daga prófanir á nýjum dekkjum með nýjustu Formúlu 1 bílunum hverju sinni.

Bílskúrinn: Keisarinn í Kína

Nico Rosberg vann sjöttu keppnina í röð í Formúlu 1 kappakstrinum í Kína. Rosber var sannkallaður keisar í Kína. Hann var einn og yfirgefinn í forystunni alla keppnina.

Lucas di Grassi fyrstur í mark í París

Lucas di Grassi á ABT kom fyrstur í mark í Formúlu E kappakstrinum í París. Jean-Eric Vergne varð annar á DS Virgin bílum og Sebastian Buemi varð þriðji á Renault e.dams.




Fleiri fréttir

Sjá meira


×