Sweet chili - kjúklingasúpa með íslensku grænmeti 15. ágúst 2014 12:00 Uppskeruna úr garðinum má nota í staðinn fyrir núðlurnar í hefðbundinni núðlusúpu með kjúklingi. mynd/heilsumamman.com Hér er á ferðinni dæmigerð núðlusúpa með taílensku yfirbragði nema ég nota íslenska grænmetið í staðinn fyrir núðlurnar. Fyrir íhaldssama má auðvitað bara bæta núðlum út í áður en súpan er borin fram,“ útskýrir Oddrún Helga Símonardóttir, en hún skellti í rjúkandi kjúklingasúpu með glænýju íslensku grænmeti fyrir lesendur. Oddrún heldur úti matarblogginu heilsumamman.com þar sem hún deilir hollum og girnilegum uppskriftum. Þessa súpu segir hún afar þægilega í kvöldmat fjölskyldunnar. „Súpan er mjög fljótleg og getur verið komin á borðið 20 mínútum eftir að undirbúningur hefst, ef kjúklingurinn er tilbúinn, en hún verður samt enn betri ef hún fær að standa aðeins eftir að hún er tilbúin.“ Matgæðingur Oddrún Helga heldur úti matarblogginu heilsumamman.com. Sweet chili-kjúklingasúpa úr glænýju íslensku grænmeti fyrir 4 - 5 1 tsk. kókosolía 3-4 gulrætur ½ hvítkálshaus ½ rauð paprika ½-1 haus spergilkál (eftir stærð og smekk) 2 cm bútur af engifer eða u.þ.b. 1 msk. rifinn engifer 3 msk. kjúklingakraftur 1 msk. fiskisósa 1 msk. sweet chili sósa Salt og pipar 2 kjúklingabringur eða magn eftir smekk. 1.5 l vatn Aðferð: 1. Skerið bringurnar í bita. Steikið á pönnu og kryddið eftir smekk eða grillið þær heilar. Þessi súpa er tilvalin fyrir afganga. 2. Hitið kókosolíu í potti og léttsteikið gulrætur og papriku. 3. Rífið engiferið út í pottinn. (Ef þið rífið það með rifjárni losnið þið við „hárin“. 4. Bætið við vatni, kjúklingakrafti, fiskisósu og sweet chili-sósu. Reynið að velja sósu með litlu sykurmagni en hér má líka nota 1 msk. af hlynsírópi eða 1 msk. af kókospálmasykri og krydda með smá chili-kryddi. 5. Bætið hvítkálinu og spergilkálinu út í og leyfið súpunni að malla í 10 mín. 6. Bragðbætið með salti og pipar. Það er gott að bera súpuna fram með smátt söxuðum vorlauk, fersku kóríanderi og jafnvel salthnetum eða kasjúhnetum. Kjúklingur Súpur Uppskriftir Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Vinnustaðadaður, óviðeigandi brandari og argur kærasti Lífið Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Handboltagoðsögn selur glæsihús í Garðabæ Lífið Fleiri fréttir Heitur eplahleifur á köldum þriðjudegi Sjá meira
Hér er á ferðinni dæmigerð núðlusúpa með taílensku yfirbragði nema ég nota íslenska grænmetið í staðinn fyrir núðlurnar. Fyrir íhaldssama má auðvitað bara bæta núðlum út í áður en súpan er borin fram,“ útskýrir Oddrún Helga Símonardóttir, en hún skellti í rjúkandi kjúklingasúpu með glænýju íslensku grænmeti fyrir lesendur. Oddrún heldur úti matarblogginu heilsumamman.com þar sem hún deilir hollum og girnilegum uppskriftum. Þessa súpu segir hún afar þægilega í kvöldmat fjölskyldunnar. „Súpan er mjög fljótleg og getur verið komin á borðið 20 mínútum eftir að undirbúningur hefst, ef kjúklingurinn er tilbúinn, en hún verður samt enn betri ef hún fær að standa aðeins eftir að hún er tilbúin.“ Matgæðingur Oddrún Helga heldur úti matarblogginu heilsumamman.com. Sweet chili-kjúklingasúpa úr glænýju íslensku grænmeti fyrir 4 - 5 1 tsk. kókosolía 3-4 gulrætur ½ hvítkálshaus ½ rauð paprika ½-1 haus spergilkál (eftir stærð og smekk) 2 cm bútur af engifer eða u.þ.b. 1 msk. rifinn engifer 3 msk. kjúklingakraftur 1 msk. fiskisósa 1 msk. sweet chili sósa Salt og pipar 2 kjúklingabringur eða magn eftir smekk. 1.5 l vatn Aðferð: 1. Skerið bringurnar í bita. Steikið á pönnu og kryddið eftir smekk eða grillið þær heilar. Þessi súpa er tilvalin fyrir afganga. 2. Hitið kókosolíu í potti og léttsteikið gulrætur og papriku. 3. Rífið engiferið út í pottinn. (Ef þið rífið það með rifjárni losnið þið við „hárin“. 4. Bætið við vatni, kjúklingakrafti, fiskisósu og sweet chili-sósu. Reynið að velja sósu með litlu sykurmagni en hér má líka nota 1 msk. af hlynsírópi eða 1 msk. af kókospálmasykri og krydda með smá chili-kryddi. 5. Bætið hvítkálinu og spergilkálinu út í og leyfið súpunni að malla í 10 mín. 6. Bragðbætið með salti og pipar. Það er gott að bera súpuna fram með smátt söxuðum vorlauk, fersku kóríanderi og jafnvel salthnetum eða kasjúhnetum.
Kjúklingur Súpur Uppskriftir Mest lesið Veltir fyrir sér hvort hann sé dottinn úr tísku Lífið Krabbameinið sem týndist: „Fyrst sagði ég bara fokk!“ Áskorun Líkt við apa og klappað eins og hundi Lífið Svar við spurningu lesanda: Hvað má fróa sér oft í viku? Lífið Sandler vinnur að Happy Gilmore 2 Bíó og sjónvarp Björk á forsíðu Vogue í fyrsta sinn Tíska og hönnun Vinnustaðadaður, óviðeigandi brandari og argur kærasti Lífið Óhefðbundinn páskamatseðill að hætti Sigurðar Laufdal á OTO Lífið Myndaveisla: Bjarni Ben skálaði fyrir einstökum Audi Lífið Handboltagoðsögn selur glæsihús í Garðabæ Lífið Fleiri fréttir Heitur eplahleifur á köldum þriðjudegi Sjá meira