Lífið

Svört ballerína meðal 100 áhrifamestu einstaklinga heims

Stefán Ó. Jónsson skrifar
Time telur Misty Copeland meðal 100 áhrifamestu einstaklinga heims,
Time telur Misty Copeland meðal 100 áhrifamestu einstaklinga heims, Mynd/Time
Bandaríski ballettflokkurinn American Ballet Theater hefur gert ballerínuna Misty Copeland að aðaldansara við flokkinn.

Það er í fyrsta sinn sem svört ballerína hlýtur þá virðingarverðu stöðu í 75 ára sögu ballettflokksins.

Copeland, sem hefur dansað fyrir flokkin undanfarin 14 ár, þar af sem sólódansari í átta ár, er einhver frægasta ballerína heims í dag og nær frægð hennar langt út fyrir dansheiminn. Hún hefur gefið út tvær bækur, verið kynnir á Tony-verðlaununum, gert auglýsingu fyrir Under Armour sem horft var á oftar en átta milljón sinnum.

Þá er hún í hópi 100 áhrifamestu einstaklinga heims í nýjum lista tímaritsins Time.

Þá var hún fyrsta svarta ballerínan til að dansa í uppsetningu á Svanavatninu í Metropolitan óperuhúsinu í New York.

By @juliekentofficial via @RepostWhiz app:Exciting promotions at ABT this morning!! Misty Copeland, Principal Dancer!!!❤️ #MistyCopeland #ballerina #weloveyou(#RepostWhiz app)

Posted by Misty Copeland on Tuesday, 30 June 2015





Fleiri fréttir

Sjá meira


×