Innlent

Svifryk líklega yfir heilsuverndarmörkum

Samúel Karl Ólason skrifar
Heilbrigðiseftirlit Reykjavíkur fylgist náið með loftgæðum borgarinnar og sendir frá sér viðvaranir og leiðbeiningar ef ástæða þykir til.
Heilbrigðiseftirlit Reykjavíkur fylgist náið með loftgæðum borgarinnar og sendir frá sér viðvaranir og leiðbeiningar ef ástæða þykir til. Vísir/GVA
Styrkur svifryks (PM10) verður líklega yfir heilsuverndarmörkum í Reykjavík í dag. Nokkur vindur er í dag, götur þurrar og engar líkar eru á úrkomu. Samkvæmt Heilbrigðiseftirliti Reykjavíkur er áfram búist við að þurrviðri og nokkrum vindi sem getur þyrlað upp ryki og þá sérstaklega við miklar umferðargötur.

Hálftímagildi svifryks við mælistöðina á Grensásvegi var 46 míkrógrömm á rúmmetra klukkan ellefu. Við Bíldshöfða 2 var gildið 95 míkrógrömm. Heilsuverndarmörkin eru 50 míkrógrömm á rúmmetra.

Þar að auki fór sólarhringsstyrkur svifryks yfir heilsuverndarmörkin bæði við Grensásveg og Bíldshöfða. Sólarhringsstyrkurinn var 127 við míkrógrömm við Grensásveg og 149 míkrógrömm við Bíldshöfða

Heilbrigðiseftirlit Reykjavíkur fylgist náið með loftgæðum borgarinnar og sendir frá sér viðvaranir og leiðbeiningar ef ástæða þykir til.

Hægt er að fylgjast með styrk svifryks á  og annarra mengandi efna á www.reykjavik.is/loftgaedi. Þar má sjá kort yfir mælistaði í Reykjavík m.a. mælistöð á Grensásvegi. Loftgæðafarstöðvar Heilbrigðiseftirlits Reykjavíkur er nú staðsettar við leikskólann Öskju við Nauthólsveg 87 og í Ártúnsbrekku við Bíldshöfða 2.




Fleiri fréttir

Sjá meira


×