Súrir hrútspungar Halla Þórlaug Óskarsdóttir skrifar 5. febrúar 2014 07:00 Ég er mikill stuðningsmaður jafnréttisbaráttunnar. Ég er líka andstæðingur eineltis og þess að skilja útundan. Hingað til hef ég líka verið aðdáandi þorrablóta. „Þið kunnið ekki gott að meta!“ hef ég hrópað þegar fólk býsnast yfir súrmat og hrútspungum. Mér finnst þetta frábær matur – í hófi. Og bragðið minnir mig á skemmtileg hóf úr æsku. Hins vegar hefur undarleg umræða átt sér stað í kringum þessi hóf á síðastliðnum vikum. Þegar ég var lítil fannst mér alltaf pirrandi þegar einhver hrópaði: „strákar á móti stelpum!“ og enn verra þegar yfirlýsingar flugu um að allar stelpur pissuðu í kopp meðan allir strákarnir hlustuðu á rokk eða borðuðu popp. Ég vissi að ég þyrfti þá að taka þátt í mótspyrnunni sem fólst í því að leiðrétta þessa staðhæfingu með nýfengnum upplýsingum að það væru víst stelpurnar sem borðuðu poppið og spiluðu rokkið á meðan strákarnir sátu á koppnum. Þessar heimskulegu rökræður áttu sér þó aldrei stað þegar ég var heima í Playstation með strákunum, bestu vinum mínum. Ég veit ekki hvað þurfti til að espa upp þennan ríg en nógu ömurlegt var það. Kannski af því að báðir pólarnir voru algjörlega ósigrandi. Það hlýtur að vera augljóst mál að helmingur mannkyns er ekki stöðugt pissandi í koppa meðan hinn er upptekinn við að belgja sig út af poppkorni. Á þorrablótum er borðaður eldgamall matur og jafngömul gildi höfð í hávegum, minni karla og kvenna flutt af fyllsta fólkinu – allt saman við mismikinn fögnuð auðvitað. Fólk er mishrifið af súrum hrútspungum. Þrátt fyrir alla heimsins jafnréttisbaráttu er mér samt í alvöru sama þótt einhver karlakór haldi kvennalaust þorrablót. Og ég er viss um að framkvæmdastjóri Sinfóníunnar er sammála mér. „Mig langaði hvort sem er ekkert í þetta asnalega partí,“ segir hún kannski. Fólk er mishrifið af súrum hrútspungum. Hins vegar finnst mér algjörlega ótækt að þeir sem eru fráskildir að vestan, nánar tiltekið í Bolungarvík, megi ekki mæta í blót. Þeir hefðu kannski átt að hugsa sig tvisvar um áður en þeir ákváðu að binda enda á óhamingjusamt hjónaband sitt? Viltu birta grein á Vísi? Sendu okkur póst. Senda grein Halla Þórlaug Óskarsdóttir Mest lesið Er þetta í alvöru verðlaunaefni? Snorri Másson Skoðun Þurfum við að koma Íslandi aftur á rétta braut? Diljá Mist Einarsdóttir Skoðun Nýtt örorkukerfi – verra þeirra réttlæti Marinó G. Njálsson Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun Æpandi vanþekking Hjálmar Jónsson Skoðun Himinhátt innanlandsflug Ingibjörg Isaksen Skoðun Norskur skammtímagróði Gunnlaugur Stefánsson Skoðun Lykillinn að orkuskiptunum er úr áli Guðríður Eldey Arnardóttir Skoðun Helga Þórisdóttir og fjöregg íslenskrar þjóðar Páll Torfi Önundarson Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun
Ég er mikill stuðningsmaður jafnréttisbaráttunnar. Ég er líka andstæðingur eineltis og þess að skilja útundan. Hingað til hef ég líka verið aðdáandi þorrablóta. „Þið kunnið ekki gott að meta!“ hef ég hrópað þegar fólk býsnast yfir súrmat og hrútspungum. Mér finnst þetta frábær matur – í hófi. Og bragðið minnir mig á skemmtileg hóf úr æsku. Hins vegar hefur undarleg umræða átt sér stað í kringum þessi hóf á síðastliðnum vikum. Þegar ég var lítil fannst mér alltaf pirrandi þegar einhver hrópaði: „strákar á móti stelpum!“ og enn verra þegar yfirlýsingar flugu um að allar stelpur pissuðu í kopp meðan allir strákarnir hlustuðu á rokk eða borðuðu popp. Ég vissi að ég þyrfti þá að taka þátt í mótspyrnunni sem fólst í því að leiðrétta þessa staðhæfingu með nýfengnum upplýsingum að það væru víst stelpurnar sem borðuðu poppið og spiluðu rokkið á meðan strákarnir sátu á koppnum. Þessar heimskulegu rökræður áttu sér þó aldrei stað þegar ég var heima í Playstation með strákunum, bestu vinum mínum. Ég veit ekki hvað þurfti til að espa upp þennan ríg en nógu ömurlegt var það. Kannski af því að báðir pólarnir voru algjörlega ósigrandi. Það hlýtur að vera augljóst mál að helmingur mannkyns er ekki stöðugt pissandi í koppa meðan hinn er upptekinn við að belgja sig út af poppkorni. Á þorrablótum er borðaður eldgamall matur og jafngömul gildi höfð í hávegum, minni karla og kvenna flutt af fyllsta fólkinu – allt saman við mismikinn fögnuð auðvitað. Fólk er mishrifið af súrum hrútspungum. Þrátt fyrir alla heimsins jafnréttisbaráttu er mér samt í alvöru sama þótt einhver karlakór haldi kvennalaust þorrablót. Og ég er viss um að framkvæmdastjóri Sinfóníunnar er sammála mér. „Mig langaði hvort sem er ekkert í þetta asnalega partí,“ segir hún kannski. Fólk er mishrifið af súrum hrútspungum. Hins vegar finnst mér algjörlega ótækt að þeir sem eru fráskildir að vestan, nánar tiltekið í Bolungarvík, megi ekki mæta í blót. Þeir hefðu kannski átt að hugsa sig tvisvar um áður en þeir ákváðu að binda enda á óhamingjusamt hjónaband sitt?
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun