SUNNUDAGUR 11. DESEMBER NŢJAST 23:50

ISIS-li­ar sag­ir hafa nß­ Palmyra aftur ß sitt vald

FR╔TTIR

Sundlaug og sjˇsundsa­sta­a Ý Fossvoginum ß me­al tillagna Ý hugmyndasamkeppni um Kßrsnes

 
Innlent
13:15 03. FEBR┌AR 2016
Yfirlitsmyndir af till÷gunum fjˇrum.
Yfirlitsmyndir af till÷gunum fjˇrum. MYND/KËPAVOGSBĂR

Sundlaug og sjósundsaðstaða í Fossvoginum miðjum, flotbrú milli sveitarfélaga, söfn, yfirbyggður almenningsgarður og lífleg blöndun byggðar eru meðal þess sem lagt er til í tillögum í alþjóðlegri hugmyndasamkeppni um Kársnes, „Kársnes – sjálfbær líftaug.“

Í tilkynningu frá Kópavogsbæ vegna hugmyndasamkeppninnar kemur fram að bærinn hafi verið valinn til þátttöku í keppninni Nordic Built Cities Challenge á síðasta ári. Keppninni var svo hleypt af stokkunum síðastliðið haust og hafa fjórar tillögur nú verið valdar til áframhaldandi þátttöku.
 
Tillögurnar fjórar heita Sólborg, Spot on, Evolve Kársnes og Harbouring life. Í tilkynningunni segir að tillögurnar eigi það sammerkt að vilja efla samfélagið á Kársnesi, nýta einstaka staðsetningu þess og mögulegar tengingar við Vatnsmýrina í Reykjavík, styrkja útivistarsvæði og koma með umhverfisvænar lausnir í mannvistar- og samgöngumálum.

Auk Kársness voru Sege Park í Malmö, Tryggve Lies Plass í Osló, Hans Tavsens Park og Korsgade í Kaupmannahöfn, Runavík í Færeyjum og Kera iðnaðarhverfið í Espoo í Finnlandi valin til þátttöku í Nordic Built Cities Challenge.

Skipuð var dómnefnd á hverjum stað. Íslensku dómnefndina skipa Guðný Björk Eydal, Hrafnkell Proppé, Karl Benediktsson, Þór Sigfússon og Þóra Kjarval.

Alls bárust 19 tillögur í samkeppnina um Kársnes. Tillögurnar eru undir nafnleynd sem ekki verður aflétt fyrr en að lokinni keppni síðar á þessu ári.

Kópavogsbær sér um framkvæmd fyrri hluta keppninnar og mun hin íslenska dómnefnd velja eina tillögu sem send verður í lokahluta keppninnar. Í honum etja kappi sigurtillögur frá hverju hinna Norðurlandanna.

Nánari upplýsingar má nálgast hér.


Deila
Athugi­. Allar athugasemdir eru ß ßbyrg­ ■eirra er ■Šr rita. VÝsir hvetur lesendur til a­ halda sig vi­ mßlefnalega umrŠ­u. Einnig ßskilur VÝsir sÚr rÚtt til a­ fjarlŠgja Šrumei­andi e­a ˇsŠmilegar athugasemdir og ummŠli ■eirra sem tjß sig ekki undir eigin nafni.

 

MEST LESIđ

  • Nřjast ß VÝsi
  • Mest Lesi­
  • FrÚttir
  • Sport
  • Vi­skipti
  • LÝfi­
ForsÝ­a / FrÚttir / Innlent / Sundlaug og sjˇsundsa­sta­a Ý Fossvoginum ß me­al tillagna Ý hugmyndasamkeppni um Kßrsnes
Fara efst