Styttist í endurkomu Blinds

Daley Blind, leikmaður Manchester United, er byrjaður að æfa á ný eftir meiðsli.

Blind, sem kom til United frá Ajax fyrir tímabilið, meiddist á hné í 6-0 sigri Hollands á Lettlandi í nóvember og hefur misst af síðustu átta leikjum United.

Blind verður þó líklega ekki orðinn klár í tæka tíð fyrir leikina tvo sem United á eftir að spila á árinu 2014. Lærisveinar Louis van Gaal taka á móti Newcastle á morgun og á sunnudaginn sækja þeir Tottenham heim.

Fyrsti leikur United á nýju ári er gegn Stoke á Brittania Stadium á nýársdag. Þremur dögum síðar mætir liðið Yeovil í 3. umferð ensku bikarkeppninnar.

Leikur Manchester United og Newcastle hefst klukkan 15:00 á morgun og verður sýndur í beinni útsendingu á Stöð 2 Sport 2.

The football boots are back! Started training outside again, great feeling! #OnMyWayBack #MUFC #DB17

Een foto die is geplaatst door Daley Blind (@blinddaley) op Dec 12, 2014 at 7:38 PST