Innlent

Styrkja geitabú með könnusölu

Jón Sigurður Eyjólfsson skrifar
Bústólpinn og ferfætlingarnir á Háafelli eiga hauka í horni víða en það er spurning hvort það dugi til að bjarga búinu.
Bústólpinn og ferfætlingarnir á Háafelli eiga hauka í horni víða en það er spurning hvort það dugi til að bjarga búinu.
„Ég er komin með tæpan helming af þeim tíu milljónum sem ég var að vonast til að geta farið með í bankann,“ segir Jóhanna Þorvaldsdóttir, geitabóndi á Háafelli í Hvítársíðu. Hún rær nú lífróður til að bjarga geitabúinu frá uppboði sem er yfirvofandi innan 20 daga.

Hún segir að fjárstuðningur komi víða að en sérstaklega frá Noregi, Bandaríkjunum og svo Íslandi.

Vestanhafs hafa hönnuðir selt bolla og taupoka með geitamynd og áletraðri stuðningsyfirlýsingu við geitabúið.

Fjöldi fólks hefur lagt leið sína á Háafell í sumar að sögn Jóhönnu.

„Það voru svona um 50 til 100 á dag,“ segir hún.

Ekki voru allir gestirnir að velta fyrir sér ræktunarstarfsemi landnámsgeitarstofnsins. Sumir komu gagngert til að líta Casanova augum en geitin sú fór með mikilvægt hlutverk í Game of Thrones og hlýtur því að teljast til frægari ferfætlinga landsins. Einnig hafa fjölmargir hvatt átakið á þar til gerðum fésbókarsíðum.

gfsad



Fleiri fréttir

Sjá meira


×