Handbolti

Stórsigur Alfreðs og Arons gegn Arnóri og Björgvin

Tómas Þór Þórðarson skrifar
Aron Pálmarsson skoraði eitt mark.
Aron Pálmarsson skoraði eitt mark. vísir/getty
Meistarar Kiel unnu stórsigur á Bergischer, 32-17, í Íslendingaslag í þýsku 1. deildinni í handbolta í kvöld.

Munurinn á liðunum var aðeins tvö mörk í hálfleik, 11-9, en í þeim síðari stungu Þýskalandsmeistararnir af og tryggðu sér 15 marka sigur.

Aron Pálmarsson skoraði eitt mark fyrir Kiel og Arnór Gunnarsson skoraði eitt fyrir gestina úr vítakasti. Björgvin Páll Gústavsson varði sjö skoti í marki Bergischer.

Kiel er með tveggja stiga forskot á toppi deildarinnar fyrir stórleik ársins á sunnudaginn þegar Rhein-Neckar Löwen mætir í heimsókn í því sem gæti orðið úrslitaleikur deildarinnar.

Sá leikur verður í beinni útsendingu á Stöð 2 Sport og hefst útsending klukkan 15.10.




Fleiri fréttir

Sjá meira


×