Stórliðin heit fyrir Kuki

Chelsea, Man. City og Liverpool eru öll á eftir efnilegasta leikmanni Spánverja þessa dagana.

Sá heitir Jose Luis Zalazar og er kallaður Kuki. Hann er 16 ára gamall og og spilar með Malaga. Hann er stjarna U-17 ára liðs Spánverja.

Liverpool hefur fylgst með honum í nokkur ár nú þegar enda ku strákurinn vera afar sérstakur.

Hann skrifaði undir sinn fyrsta atvinnumannasamning síðasta sumar. Það kostar 900 milljónir að leysa hann undan samningi en spili hann fyrir aðalliðið fer svo upphæð í 1.800 milljónir.