Sport

Stöðvaði bardagann eftir að eyrað opnaðist

Leslie hélt áfram þó eyrað væri illa farið. Hún var ósátt er bardaginn var stöðvaður.
Leslie hélt áfram þó eyrað væri illa farið. Hún var ósátt er bardaginn var stöðvaður. vísir/getty
Stelpurnar í UFC eru grjótharðar og það sannaðist enn eina ferðina í UFC 180 um helgina.

Þá varð að stöðva bardaga Jessicu Eye og Leslie Smith þar sem eyrað á Smith var nánast að detta af.

Eye náði að opna stóran skurð á eyra Smith í fyrstu lotu. Blóðið rann í stríðum straumum úr eyranu svo Smith var öll rauð í andlitinu. Læknar skoðuðu skurðinn eftir lotuna og leyfðu henni að halda áfram.

Snemma í annarri lotu náði Eye að opna eyrað aftur. Þegar eyrað var byrjað að hanga niður stöðvaði dómarinn bardagann og lét lækna athuga aftur með eyrað. Í kjölfarið var bardaginn stöðvaður og Eye dæmdur sigur.

„Þegar ég sá eyrað á henni opnast þá var mitt markmið að lumbra á því. Ég ætlaði að halda áfram að lemja hana í eyrað þar til bardaginn yrði stöðvaður eða þar til eyrað myndi detta af," sagði Eye eftir bardagann.

Smith var hundfúl er bardaginn var stöðvaður.vísir/getty
MMA



Fleiri fréttir

Sjá meira


×