LAUGARDAGUR 3. DESEMBER NÝJAST 06:00

Eitt lítiđ símtal felldi byggingarisana tvo

FRÉTTIR

Stjóri Watford: Ég sagđi Costa ađ ég elska hann

 
Enski boltinn
09:00 04. FEBRÚAR 2016
Félagarnir rćđa saman.
Félagarnir rćđa saman. VÍSIR/GETTY

Quique Sánchez Flores, knattspyrnustjóri Watford, átti fallega stund með Diego Costa, framherja Chelsea, eftir markalaust jafntefli liðanna í 24. umferð ensku úrvalsdeildarinnar í gærkvöldi.

Spánverjinn faðmaði og kyssti samlanda sinn sem lét öllum illum látum í fyrri hálfleik og fiskaði gul spjöld á tvo varnarmenn Watford og fékk eitt sjálfur.

Undir lok fyrri hálfleiks ætlaði allt að sjóða upp úr þegar Costa ýtti Juan Carlos Paredes, bakverði Watford, í jörðina, en Paredes var nú ekki saklaus því hann hafði skömmu áður sparkað Costa niður.

Áður en að allt varð vitlaust stökk Sánchez Flores til og faðmaði Costa við hliðarlínuna og róaði hann niður. Þeir þekkjast vel eftir að Sánchez Flores þjálfaði framherjann hjá Atlético Madríd fyrir fimm árum síðan.

„Ég skil Costa því ég þjálfaði hann og ég veit að hann vill berjast á móti öllum leikmönnum. Það gerðist samt ekki neitt,“ sagði Quique Sánchez Flores eftir leikinn.

Aðspurður hvað fór þeirra á milli í leiks lok svaraði Spánverjinn: „Ég sagði Costa að ég elska hann!“

„Ég elska karakterinn. Ég vil frekar að mínir menn séu svona karakterar en einhverjir ísmenn á vellinum. Þegar þú ert þjálfari viltu vera með svona mann inn á vellinum. Það er alveg frábært,“ sagði Quique Sánchez Flores.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Enski boltinn / Stjóri Watford: Ég sagđi Costa ađ ég elska hann
Fara efst