Handbolti

Stjarnan rétt marði Val í hörkuspennandi leik

Stefán Árni Pálsson skrifar
Rakel Dögg Bragadóttir skoraði níu mörk fyrir Stjörnuna.
Rakel Dögg Bragadóttir skoraði níu mörk fyrir Stjörnuna. vísir/stefán
ÍBV vann góðan sigur á Selfyssingum, 28-24, í Olís-deild kvenna í handknattleik í dag en leikurinn fór fram á Selfossi.

Staðan í hálfleik var 14-12 fyrir ÍBV og spilaðist síðari hálfleikurinn nákvæmlega eins. Hrafnhildur Hanna Þrastardóttir skoraði 11 mörk fyrir Selfyssinga í leiknum en Karólína Bæhrenz var atkvæðamest í liði ÍBV með níu mörk.

Í Garðarbænum mættust heimastúlkur og Valur í æsispennandi leik. Stjarnan var fimm mörkum yfir í hálfleik, 15-10, en gestirnir spýttu í lífana í þeim síðari.

Leiknum lauk með eins marks sigri Stjörnunnar, 23-22, og er sigurinn gríðarlega mikilvægur. Rakel Dögg Bragadóttir fór á kostum í liði Stjörnunnar og skoraði níu mörk.

Hjá Val var Diana Satkauskaite atkvæðamest, einnig með níu mörk. Stjarnan er í öðru sæti deildarinnar með 17 stig en Valur í því fjórða með 12 stig.

 




Fleiri fréttir

Sjá meira


×