Handbolti

Stelpurnar sem mæta Sviss tvisvar á fjórum dögum

Óskar Ófeigur Jónsson skrifar
Nýkrýndur bikarmeistari, Sólveig Lára Kjærnested úr Stjörnunni, er með í hópnum.
Nýkrýndur bikarmeistari, Sólveig Lára Kjærnested úr Stjörnunni, er með í hópnum. Vísir/Andri Marinó
Ágúst Þór Jóhannsson, landsliðsþjálfari kvenna í handbolta, hefur valið sextán leikmenn fyrir leikina gegn Sviss í annarri umferð undankeppni Evrópukeppninnar.

Íslensku stelpurnar mæta Sviss tvívegis á fjórum dögum í mars, fyrst út í Sviss og svo í Schenker-höllinni á Ásvöllum. Íslenska liðið heldur utan til Sviss og dvelur við æfingar frá 7.mars fram að leiknum þann 10.mars.

Ásta Birna Gunnarsdóttir og Rut Jónsdóttir gátu ekki gefið kost á sér að þessu sinni vegna meiðsla.

Þrír leikmenn koma inn í liðið frá því í síðustu leikjum undankeppninnar sem voru á móti Þýskalandi og Frakklandi í október. Það eru reynsluboltarnir Kristín Guðmundsdóttir úr Val og Sólveig Lára Kjærnested úr Stjörnunni og svo Gróttustelpan Unnur Ómarsdóttir.

Helena Rut Örvarsdóttir dettur úr liðinu ásamt þeim Rut og Ástu Birnu.

Íslenski hópurinn er þannig skipaður:

Markmenn:

Florentina Stanciu, Stjarnan

Guðrún Ósk Maríasdóttir, Fram

Aðrir leikmenn:

Anna Úrsúla Guðmundsdóttir, Grótta

Arna Sif Pálsdóttir, Nice

Hildigunnur Einarsdóttir, Koblenz

Hildur Þorgeirsdóttir, Fram

Hrafnhildur Hanna Þrastardóttir, Selfoss

Karen Knútsdóttir, Nice

Kristín Guðmundsdóttir, Valur

Ramune Pekarskyte, Haukar

Sólveig Lára Kjærnested, Stjarnan

Steinunn Hansdóttir, Selfoss

Sunna Jónsdóttir, Skrim

Thea Imani Sturludóttir, Fylkir

Unnur Ómarsdóttir, Grótta

Þórey Anna Ásgeirsdóttir, Grótta




Fleiri fréttir

Sjá meira


×