Erlent

Stal veski af óléttri konu og hrinti henni í götuna

Samúel Karl Ólason skrifar
Vísir/Getty
Ólétt kona í elti mann sem stal veski hennar á bílstæði við matvöruverslun í Flint í Bandaríkjunum. Þjófurinn hrinti henni í götuna en vegfarendur komu til bjargar. Skömmu seinna fæddi hún barn.

Konan var að setja vörur sem hún hafði keypt í bíl sinn þegar Mark Newton hrifsaði af henni veskið og hljóp í burtu. AP fréttaveitan hefur eftir lögreglunni í Flint að konan hafi hlaupið á eftir manninum en hann hafi hrint henni í götuna.

Þá munu tveir áhorfendur hafa stöðvað manninn og tekið af honum veski konunnar. Hann reyndi að hlaupa í burtu, en fjölskylda hennar hélt honum kyrrum þar til lögregluþjónar komu á vettvang. Skömmu seinna þurfti konan á fara á sjúkrahús þar sem hún fæddi barn.




Fleiri fréttir

Sjá meira


×