Spaugstofan mætt aftur á Stöð 2

Spaugstofan er vinsælasti þáttur íslenskrar sjónvarpssögu. Þetta er 21. starfsárið hjá Spaugstofunni og þeir Siggi, Kalli, Örn og Pálmi verða bara betri með hverju árinu. Það er óhætt að segja að Spaugstofan hafi komið séð og sigrað er þeir mættu til leiks á Stöð 2 sl. vetur. Endurnærðir, ferskari og fyndnari sem aldrei fyrr stimpluðu þeir sig inn á svipstundu og uppskáru Eddu-verðlaun fyrir sem Skemmtiþáttur ársins. Í vetur hafa þeir Siggi, Kalli, Örn og Pálmi haldið uppteknum hætti við að varpa spéspegli á atburði líðandi stundar með aðstoð vel valdra gesta á borð við Ragnar Reykás, Kristján Ólafsson að viðbættum valinkunnum leikurum. Spaugstofan er á dagskrá á laugardagskvöldum kl. 19.35 á Stöð 2.