Lífið

Spaugileg mynd af Gunnari Nelsson veitir netverjum innblástur

Bjarki Ármannsson skrifar
Ein af betri myndunum af Reddit.
Ein af betri myndunum af Reddit.
Bardagakappinn Gunnar Nelson hefur vakið mikla athygli utan landsteinanna síðastliðin ár, ekki síður fyrir afslappað viðmót sitt en fyrir hæfileika sína í MMA-bardagaíþróttinni. Nú í kvöld hefur myndast skemmtilegur leikur á bandarísku vefsíðunni Reddit í kringum myndina hér fyrir neðan, sem tekin var af viðureign Gunnars og Demian Maia í síðasta mánuði.

Myndin sem hrinti öllu af stað.Vísir/Getty
Á myndinni virðist Gunnar afslappaður og annars hugar á meðan Maia veitir honum eitt af þeim 193 höggum sem hann lét dynja á okkar manni í keppninni. Myndin gefur sennilega mjög ranga mynd af hugarástandi Gunnars en hún er óneitanlega skopleg og leikur notenda Reddit gengur út á að fikta við hana og leika sér í myndvinnsluforritum.

Niðurstöðurnar eru margar bráðfyndnar og er nokkrum þeirra deilt hér fyrir neðan.

Gunnar kemur auga á skammbyssu í hringnum og hugsar með sér: Tjah, það er ekki neitt tekið fram í reglunum um þetta ...

Gunnar hefur gaman að því að slúðra smá í símann.

Daia truflar Gunnar við heimalærdóminn.

Gunnar leyfir huganum að reika í vinnunni.






Fleiri fréttir

Sjá meira


×