Snýst um kerfið en ekki nemendur Erla Björg Gunnarsdóttir skrifar 20. febrúar 2016 07:00 Þórdís Jakobsdóttir og Guðjón Þór Jósefsson eru nemendur í tíunda bekk í Laugalækjarskóla. Þau segja bæði nemendur og kennara mjög óánægða með nýtt námsmat. Vísir/Stefán Mikill meirihluti nemenda í tíunda bekk sem hófu nám í haust vissi ekki þá hvernig námsmati yrði háttað í vetur. Í raun hafa fæstir grunnskólanna í Reykjavík lokið útfærslu á nýju námsmati í tíunda bekk nú þegar langt er liðið á skólaárið. Þetta er niðurstaða könnunar sem SAMFOK gerði meðal grunnskóla í Reykjavík. Í kjölfarið sendi SAMFOK menntamálaráðherra og Menntamálastofnun áskorun um að fresta innleiðingu nýs námsmats. Nýlega barst svar frá ráðuneytinu þar sem áskoruninni er hafnað. Bryndís Jónsdóttir, framkvæmdastjóri SAMFOK, segir svör skólayfirvalda almennt vera á þá leið að það sé of seint að bakka, að kennarar hafi til dæmis lagt mikla vinnu nú þegar í nýtt námsmat. „Þannig eru svör allra. Þetta snýst allt um kerfið en ekki um rétt nemenda sem eru að útskrifast í vor úr grunnskóla í mikilli óvissu.“ Í fyrra var nemendum og kennurum tilkynnt að útskrifað yrði eftir nýju námsmati með nýjum hæfnisviðmiðum þar sem einkunnir eru gefnar í bókstöfum. Bryndís gagnrýnir lítinn undirbúning. „Við erum ekki óánægð með nýja námsmatið sem slíkt en við gerum athugasemd við að það sé verið að demba þessu ókláruðu á nemendur sem eru að útskrifast.“Bryndís Jónsdóttir, framkvæmdastjóri SAMFOKNýja námsmatið kallar á algjöra grundvallarbreytingu á kennsluháttum enda er verið að meta nemendur á mun breiðari grunni. Það tekur tíma að byggja upp nýtt kerfi. „Kennarar hafa verið uppteknir í öðru. Niðurskurði, vinnumati og kjarabaráttu. Þeir hafa verið á hlaupum síðustu mánuði að innleiða nýtt námsmat. Ég hef heyrt af sumarbústaðaferðum þar sem kennarar eru að vinna að þessu dag og nótt í sjálfboðavinnu. Samt sem áður er þetta alls ekki komið á hreint í öllum skólum,“ segir Bryndís. Bryndís bendir á að stuðningur skólayfirvalda sé einnig í lágmarki. Um sé að ræða stutta fræðslufundi fyrir kennara sem duga ekki fyrir algjörlega nýja hugsun í skólastarfi og það vanti alvöru faglegan stuðning. Þegar allt komi til alls bitni þetta mest á börnunum sem nú eru í tíunda bekk. „Við hefðum viljað sjá þessa kennsluhætti prófaða á áttunda bekk. Þeir nemendur hefðu þá haft þrjú ár til að venjast nýju námsmati og læra á það, til dæmis hvernig þeir geti haft áhrif á einkunnir sínar. Margir nemendur sem eru í tíunda bekk núna hafa engan skilning á matinu, enda ekki tilbúið í flestum skólum, og vita því ekki hvernig þeir geta náð sem bestum árangri.“Hreint út sagt kjánalegt Guðjón Þór Jósefsson og Þórdís Jakobsdóttir eru nemendur í tíunda bekk í Laugalækjarskóla. Þau segja bæði nemendur og kennara mjög óánægða með nýtt námsmat. „Ég sé ekki tilganginn með því að gera einkunnagjöf ónákvæmari,“ segir Guðjón. „Ég fékk niðurstöður úr samræmdu prófunum nýlega. Raðeinkunnin sagði mér skýrt hvar ég stend í faginu en einkunnin sjálf, sem var bókstafur, sagði mér ekki neitt. Ég veit ekkert hvað hún þýðir.“ Guðjón er mjög ósáttur við að vita ekki hvernig ferlið verður í vor. „Þetta er ekki boðlegt. Ég er að fara í framhaldsskólakynningar á næstu vikum og bráðum sæki ég um skóla. Ég er líka ósáttur við hve ólýðræðislegum vinnubrögðum hefur verið beitt við þessar breytingar. Það var ekkert samráð við þá sem breytingin hefur áhrif á.“ Guðjón segir mikið óöryggi vera meðal nemenda og kennara. „Það er ekki búið að fullþróa breytinguna og kennarar fá ekki leiðbeiningar um hvernig eigi að gefa einkunnir. Ég skil ekki af hverju er verið að gera þetta núna í stað þess að þróa þetta betur. Er þetta breyting breytingarinnar vegna?“Nemendur í tíunda bekk eru fyrsti árgangurinn sem útskrifast eftir nýju námsmati en fæstir nemendur skilja enn hvernig matið virkar og þrír mánuðir eru til lokaprófa. Vísir/StefánÞórdís segir breytinguna hreint út sagt svolítið kjánalega. „Nýtt mat á að vera nákvæmara en í raun verður það ónákvæmara. Svo kemur upp drama og það er reynt að laga ruglið með því að setja inntökupróf. Þannig að nú er allt kerfið orðið svo miklu flóknara!“ Þórdís segist vera búin að leggja sig fram allt árið til að útskrifast með góðar einkunnir og geta sótt um þann skóla sem hún vill komast í. „En sú vinna er mögulega öll til einskis og inntökupróf ræður úrslitum. Ég hreinlega veit ekki hvað ég þarf að gera til að komast í draumaskólann.“ Um jólin fengu nemendur einkunnir í tölum. „Og núna eru einhverjir kennarar að gefa bókstafi, aðrir ekki. Það er ekkert samræmi og það veldur miklu óöryggi.“ Mest lesið „Ef stelpur byrja ungar á blæðingum er það fyrsta flaggið“ Innlent Katrín leiðir og hefur tölfræðilega marktækt forskot á Baldur Innlent Ritskoðun bjóra: „Þetta er gert fyrir börnin“ Innlent Ákærður fyrir að nota slagorð SS-sveitanna á fjöldafundi Erlent Tvö flutt á slysadeild eftir bílveltu Innlent Jón Jónsson kemur nýr inn í stjórn Innlent Dæmdur fyrir árásina í Úlfarsárdal Innlent Cyrus og Herkúles fá já en Bergman bannaður Innlent Boða til fundar til að ræða framtíð MÍR eftir dómsmál Innlent Réði lífvörð eftir árásina á bandamann Navalnís Erlent Fleiri fréttir Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Húsfélag ekki skaðabótaábyrgt vegna myglu í séreign Tekist á í Stúdentaráði: „Furðulegasti fundur sem ég hef mætt á“ Sjá meira
Mikill meirihluti nemenda í tíunda bekk sem hófu nám í haust vissi ekki þá hvernig námsmati yrði háttað í vetur. Í raun hafa fæstir grunnskólanna í Reykjavík lokið útfærslu á nýju námsmati í tíunda bekk nú þegar langt er liðið á skólaárið. Þetta er niðurstaða könnunar sem SAMFOK gerði meðal grunnskóla í Reykjavík. Í kjölfarið sendi SAMFOK menntamálaráðherra og Menntamálastofnun áskorun um að fresta innleiðingu nýs námsmats. Nýlega barst svar frá ráðuneytinu þar sem áskoruninni er hafnað. Bryndís Jónsdóttir, framkvæmdastjóri SAMFOK, segir svör skólayfirvalda almennt vera á þá leið að það sé of seint að bakka, að kennarar hafi til dæmis lagt mikla vinnu nú þegar í nýtt námsmat. „Þannig eru svör allra. Þetta snýst allt um kerfið en ekki um rétt nemenda sem eru að útskrifast í vor úr grunnskóla í mikilli óvissu.“ Í fyrra var nemendum og kennurum tilkynnt að útskrifað yrði eftir nýju námsmati með nýjum hæfnisviðmiðum þar sem einkunnir eru gefnar í bókstöfum. Bryndís gagnrýnir lítinn undirbúning. „Við erum ekki óánægð með nýja námsmatið sem slíkt en við gerum athugasemd við að það sé verið að demba þessu ókláruðu á nemendur sem eru að útskrifast.“Bryndís Jónsdóttir, framkvæmdastjóri SAMFOKNýja námsmatið kallar á algjöra grundvallarbreytingu á kennsluháttum enda er verið að meta nemendur á mun breiðari grunni. Það tekur tíma að byggja upp nýtt kerfi. „Kennarar hafa verið uppteknir í öðru. Niðurskurði, vinnumati og kjarabaráttu. Þeir hafa verið á hlaupum síðustu mánuði að innleiða nýtt námsmat. Ég hef heyrt af sumarbústaðaferðum þar sem kennarar eru að vinna að þessu dag og nótt í sjálfboðavinnu. Samt sem áður er þetta alls ekki komið á hreint í öllum skólum,“ segir Bryndís. Bryndís bendir á að stuðningur skólayfirvalda sé einnig í lágmarki. Um sé að ræða stutta fræðslufundi fyrir kennara sem duga ekki fyrir algjörlega nýja hugsun í skólastarfi og það vanti alvöru faglegan stuðning. Þegar allt komi til alls bitni þetta mest á börnunum sem nú eru í tíunda bekk. „Við hefðum viljað sjá þessa kennsluhætti prófaða á áttunda bekk. Þeir nemendur hefðu þá haft þrjú ár til að venjast nýju námsmati og læra á það, til dæmis hvernig þeir geti haft áhrif á einkunnir sínar. Margir nemendur sem eru í tíunda bekk núna hafa engan skilning á matinu, enda ekki tilbúið í flestum skólum, og vita því ekki hvernig þeir geta náð sem bestum árangri.“Hreint út sagt kjánalegt Guðjón Þór Jósefsson og Þórdís Jakobsdóttir eru nemendur í tíunda bekk í Laugalækjarskóla. Þau segja bæði nemendur og kennara mjög óánægða með nýtt námsmat. „Ég sé ekki tilganginn með því að gera einkunnagjöf ónákvæmari,“ segir Guðjón. „Ég fékk niðurstöður úr samræmdu prófunum nýlega. Raðeinkunnin sagði mér skýrt hvar ég stend í faginu en einkunnin sjálf, sem var bókstafur, sagði mér ekki neitt. Ég veit ekkert hvað hún þýðir.“ Guðjón er mjög ósáttur við að vita ekki hvernig ferlið verður í vor. „Þetta er ekki boðlegt. Ég er að fara í framhaldsskólakynningar á næstu vikum og bráðum sæki ég um skóla. Ég er líka ósáttur við hve ólýðræðislegum vinnubrögðum hefur verið beitt við þessar breytingar. Það var ekkert samráð við þá sem breytingin hefur áhrif á.“ Guðjón segir mikið óöryggi vera meðal nemenda og kennara. „Það er ekki búið að fullþróa breytinguna og kennarar fá ekki leiðbeiningar um hvernig eigi að gefa einkunnir. Ég skil ekki af hverju er verið að gera þetta núna í stað þess að þróa þetta betur. Er þetta breyting breytingarinnar vegna?“Nemendur í tíunda bekk eru fyrsti árgangurinn sem útskrifast eftir nýju námsmati en fæstir nemendur skilja enn hvernig matið virkar og þrír mánuðir eru til lokaprófa. Vísir/StefánÞórdís segir breytinguna hreint út sagt svolítið kjánalega. „Nýtt mat á að vera nákvæmara en í raun verður það ónákvæmara. Svo kemur upp drama og það er reynt að laga ruglið með því að setja inntökupróf. Þannig að nú er allt kerfið orðið svo miklu flóknara!“ Þórdís segist vera búin að leggja sig fram allt árið til að útskrifast með góðar einkunnir og geta sótt um þann skóla sem hún vill komast í. „En sú vinna er mögulega öll til einskis og inntökupróf ræður úrslitum. Ég hreinlega veit ekki hvað ég þarf að gera til að komast í draumaskólann.“ Um jólin fengu nemendur einkunnir í tölum. „Og núna eru einhverjir kennarar að gefa bókstafi, aðrir ekki. Það er ekkert samræmi og það veldur miklu óöryggi.“
Mest lesið „Ef stelpur byrja ungar á blæðingum er það fyrsta flaggið“ Innlent Katrín leiðir og hefur tölfræðilega marktækt forskot á Baldur Innlent Ritskoðun bjóra: „Þetta er gert fyrir börnin“ Innlent Ákærður fyrir að nota slagorð SS-sveitanna á fjöldafundi Erlent Tvö flutt á slysadeild eftir bílveltu Innlent Jón Jónsson kemur nýr inn í stjórn Innlent Dæmdur fyrir árásina í Úlfarsárdal Innlent Cyrus og Herkúles fá já en Bergman bannaður Innlent Boða til fundar til að ræða framtíð MÍR eftir dómsmál Innlent Réði lífvörð eftir árásina á bandamann Navalnís Erlent Fleiri fréttir Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Húsfélag ekki skaðabótaábyrgt vegna myglu í séreign Tekist á í Stúdentaráði: „Furðulegasti fundur sem ég hef mætt á“ Sjá meira