Skýr stefna skiptir öllu máli 3. september 2015 11:00 Kristín Ragnarsdóttir stýrir nýrri deild PIPARS\TBWA sem heitir DAN (Digital Arts Network). MYND/GVA Ein grunnforsenda góðs árangurs fyrirtækja á samfélagsmiðlum er skýr stefna. Oft hafa fyrirtæki þó ekki myndað ákveðna stefnu fyrir hvað fyrirtækið stendur og hvað það vill tengja sig við á samfélagsmiðlum að sögn Kristínar Ragnarsdóttur, sem stýrir nýrri deild PIPARS\TBWA sem heitir DAN (Digital Arts Network). Hún segir það sérstaklega eiga við um minni fyrirtæki hér á landi. „Sé ekki skýr stefna til staðar getur verið ansi erfitt og mikill hausverkur að finna til efni fyrir samfélagsmiðlana sem er áhugavert.“ Til að tala sömu röddu á samfélagsmiðlum er mjög mikilvægt að allir séu meðvitaðir um stefnu fyrirtækisins og vinni samkvæmt henni. „Vel upplýstir starfsmenn sem vinna að sömu markmiðum eru gulls ígildi. Eigi það að ná fram á samfélagsmiðlum er nauðsynlegt að allar deildir séu meðvitaðar um það markaðsefni sem fer út og að allir viti og geti brugðist skjótt við.“ Margir möguleikar standa fyrirtækjum til boða þegar kemur að samfélagsmiðlum en á Íslandi er Facebook langvinsælastur þeirra. „Um 89% Íslendinga eru á Facebook og þar vill fólk fyrst og fremst sjá persónulegar færslur. Það er mjög gaman að sjá fyrirtæki vera á persónulegu nótunum enda kann fólk að meta það og nær fyrir vikið betri tengingu við fyrirtækið. Þannig virkar oft betur að vera með myndir sem einfaldlega eru teknar á síma frekar en hefðbundnar auglýsingamyndir.“Hægt að bregðast skjótt við Einnig skiptir máli að svara skjótt og að líta á miðilinn sem samskiptaform. „Að svara ekki er eins og að taka ekki upp símann á símaveri. Því þarf alltaf að vera vakandi og skilja mikilvægi miðilsins. Hann er einnig mjög gott tækifæri fyrir fyrirtæki að skynja betur hvað viðskiptavinurinn hefur að segja um vöruna eða þjónustuna. Það heyrast oft raddir á samfélagsmiðlum sem gætu hafa farið fram hjá starfsmönnum fyrirtækisins og þá er hægt að grípa inn í umræður sem eru neikvæðar með jákvæðu og uppbyggilegu viðmóti.“ Hún segir lítið þýða að fara í vörn ef um neikvæða gagnrýni sé að ræða heldur sé ávallt skynsamlegast að hlusta á viðskiptavininn, hann er jú það verðmætasta sem fyrirtækið hefur. „Umræðurnar eiga sér því ekki lengur bara stað á kaffistofum hér og þar um bæinn heldur eru orðnar opinberar og það er mjög jákvætt því þá er hægt að bregðast við þeim.“Facebook vinsælasturSem fyrr segir er Facebook vinsælasti miðillinn hérlendis eins og erlendis. Hún segir þann miðil gefa fyrirtækjum möguleika á að snerta á fólki sem hefur ekki tengst fyrirtækjasíðunni með nokkrum hætti, t.d. með auglýsingum bæði í fréttaveitunni sem og í auglýsingaplássum. „Snapchat hefur einnig komið mörgum á óvörum og nýtur gríðarlegra vinsælda, enda næstvinsælasti samfélagsmiðillinn hér á landi en 46% landsmanna nota hann. Hann er þó þannig uppbyggður að fólk verður að vera búið að skrá fyrirtækið sérstaklega til að geta fylgst með því. Þau senda „snöpp“ í „my story“ og það er ekki eins líklegt að þú horfir á það eins og ef sent væri beint til þín frá vini. Þannig getur miðillinn ekki náð til eins margra og Facebook en getur þó verið mjög árangursríkur.“ Twitter er vinsæll víða um heim en hefur ekki náð eins mikilli útbreiðslu hér að sögn Kristínar. „Facebook virðist hafa mettað markaðinn fljótt hér. Kannski er fólk bara ánægt með það og vill ekkert flækja hlutina neitt frekar. Twitter lifnar samt sem áður vel við þegar ákveðnir atburðir eru í gangi eins og Eurovision eða stórir íþróttaleikir. Eins er miðillinn frábær á samkomum, t.d. ráðstefnum, en það er aldrei eins gaman að vera á Twitter og þá!“ Mest lesið Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Hættir sem fjármálastýra Ljósleiðarans Viðskipti innlent Viðskipti með bréf í Oculis hefjast á morgun Viðskipti innlent Ný kynslóð vélmenna vekur óhug Viðskipti erlent Ljúfustu stundirnar þegar allir eru saman í hjónarúminu Atvinnulíf Enn ekkert að frétta af félagi sem þúsundir Íslendinga eiga kröfu á Neytendur Allir með fjölnota innkaupapoka fá frítt í strætó á morgun Neytendur Fleiri fréttir Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Sjá meira
Ein grunnforsenda góðs árangurs fyrirtækja á samfélagsmiðlum er skýr stefna. Oft hafa fyrirtæki þó ekki myndað ákveðna stefnu fyrir hvað fyrirtækið stendur og hvað það vill tengja sig við á samfélagsmiðlum að sögn Kristínar Ragnarsdóttur, sem stýrir nýrri deild PIPARS\TBWA sem heitir DAN (Digital Arts Network). Hún segir það sérstaklega eiga við um minni fyrirtæki hér á landi. „Sé ekki skýr stefna til staðar getur verið ansi erfitt og mikill hausverkur að finna til efni fyrir samfélagsmiðlana sem er áhugavert.“ Til að tala sömu röddu á samfélagsmiðlum er mjög mikilvægt að allir séu meðvitaðir um stefnu fyrirtækisins og vinni samkvæmt henni. „Vel upplýstir starfsmenn sem vinna að sömu markmiðum eru gulls ígildi. Eigi það að ná fram á samfélagsmiðlum er nauðsynlegt að allar deildir séu meðvitaðar um það markaðsefni sem fer út og að allir viti og geti brugðist skjótt við.“ Margir möguleikar standa fyrirtækjum til boða þegar kemur að samfélagsmiðlum en á Íslandi er Facebook langvinsælastur þeirra. „Um 89% Íslendinga eru á Facebook og þar vill fólk fyrst og fremst sjá persónulegar færslur. Það er mjög gaman að sjá fyrirtæki vera á persónulegu nótunum enda kann fólk að meta það og nær fyrir vikið betri tengingu við fyrirtækið. Þannig virkar oft betur að vera með myndir sem einfaldlega eru teknar á síma frekar en hefðbundnar auglýsingamyndir.“Hægt að bregðast skjótt við Einnig skiptir máli að svara skjótt og að líta á miðilinn sem samskiptaform. „Að svara ekki er eins og að taka ekki upp símann á símaveri. Því þarf alltaf að vera vakandi og skilja mikilvægi miðilsins. Hann er einnig mjög gott tækifæri fyrir fyrirtæki að skynja betur hvað viðskiptavinurinn hefur að segja um vöruna eða þjónustuna. Það heyrast oft raddir á samfélagsmiðlum sem gætu hafa farið fram hjá starfsmönnum fyrirtækisins og þá er hægt að grípa inn í umræður sem eru neikvæðar með jákvæðu og uppbyggilegu viðmóti.“ Hún segir lítið þýða að fara í vörn ef um neikvæða gagnrýni sé að ræða heldur sé ávallt skynsamlegast að hlusta á viðskiptavininn, hann er jú það verðmætasta sem fyrirtækið hefur. „Umræðurnar eiga sér því ekki lengur bara stað á kaffistofum hér og þar um bæinn heldur eru orðnar opinberar og það er mjög jákvætt því þá er hægt að bregðast við þeim.“Facebook vinsælasturSem fyrr segir er Facebook vinsælasti miðillinn hérlendis eins og erlendis. Hún segir þann miðil gefa fyrirtækjum möguleika á að snerta á fólki sem hefur ekki tengst fyrirtækjasíðunni með nokkrum hætti, t.d. með auglýsingum bæði í fréttaveitunni sem og í auglýsingaplássum. „Snapchat hefur einnig komið mörgum á óvörum og nýtur gríðarlegra vinsælda, enda næstvinsælasti samfélagsmiðillinn hér á landi en 46% landsmanna nota hann. Hann er þó þannig uppbyggður að fólk verður að vera búið að skrá fyrirtækið sérstaklega til að geta fylgst með því. Þau senda „snöpp“ í „my story“ og það er ekki eins líklegt að þú horfir á það eins og ef sent væri beint til þín frá vini. Þannig getur miðillinn ekki náð til eins margra og Facebook en getur þó verið mjög árangursríkur.“ Twitter er vinsæll víða um heim en hefur ekki náð eins mikilli útbreiðslu hér að sögn Kristínar. „Facebook virðist hafa mettað markaðinn fljótt hér. Kannski er fólk bara ánægt með það og vill ekkert flækja hlutina neitt frekar. Twitter lifnar samt sem áður vel við þegar ákveðnir atburðir eru í gangi eins og Eurovision eða stórir íþróttaleikir. Eins er miðillinn frábær á samkomum, t.d. ráðstefnum, en það er aldrei eins gaman að vera á Twitter og þá!“
Mest lesið Oculis komið á markað Viðskipti innlent Anna Kristín nýr framkvæmdastjóri hjá atNorth Viðskipti innlent „Enda hefði hún hreinlega ekki nennt að þræta við mig endalaust“ Atvinnulíf Helmingur Íslendinga sáttur við falsanir og eftirlíkanir Neytendur Hættir sem fjármálastýra Ljósleiðarans Viðskipti innlent Viðskipti með bréf í Oculis hefjast á morgun Viðskipti innlent Ný kynslóð vélmenna vekur óhug Viðskipti erlent Ljúfustu stundirnar þegar allir eru saman í hjónarúminu Atvinnulíf Enn ekkert að frétta af félagi sem þúsundir Íslendinga eiga kröfu á Neytendur Allir með fjölnota innkaupapoka fá frítt í strætó á morgun Neytendur Fleiri fréttir Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Tekur við stöðu rekstrarstjóra Stöðvar 2 Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Magni kaupmaður látinn 88 ára að aldri Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Sjá meira