Skuggalegar skoðanir Frosti Logason skrifar 1. desember 2016 07:00 Í 73. grein Stjórnarskrár Íslands segir að allir þegnar landsins séu frjálsir skoðana sinna og sannfæringar. Ritskoðun og aðrar sambærilegar tálmanir á tjáningarfrelsi megi aldrei í lög leiða. Þetta er hið títtnefnda tjáningarfrelsisákvæði sem við erum dugleg að sveipa um okkur á hátíðisdögum. Enda tjáningarfrelsið eins og allir vita einn af hornsteinum lýðræðislegrar umræðu. Nú hefur lögreglan á höfuðborgarsvæðinu deilt út ákærum á hendur aðilum sem eiga að hafa gerst sekir um svokallaða hatursorðræðu bæði á netinu og í útvarpi. Lögfræðingurinn Pétur Gunnlaugsson og guðfræðingurinn Jón Valur Jensson eru báðir í þessum hópi. Þeim er gefið að sök að hafa látið óviðeigandi ummæli falla gegn hugmyndum um hinsegin fræðslu í grunnskólum landsins. Nú er það þannig að ég styð hugmyndir um hinsegin fræðslu í grunnskólum. Skólar eru jú fræðslustofnanir og ég tel að ranghugmyndir fólks um samkynhneigð á árum áður séu enn ekki fyllilega upprættar. Fræðslan er því hið besta mál. Persónulega finnst mér fólk sem er á móti þessum áformum vera óttalegir bjánar. Það er mín skoðun og mér leyfist að halda henni fram einmitt í krafti þess tjáningarfrelsis sem hér um ræðir. En mér dettur ekki í hug að halda því fram að þetta sama tjáningarfrelsi nái bara utan um mínar skoðanir. Tjáningarfrelsið átti einmitt að vera til að menn eins og Pétur og Jón Valur yrðu ekki ofsóttir fyrir sínar brjáluðu skoðanir. Að þeim yrði ekki hótað frelsissviptingu fyrir að halda þeim fram. En lögreglan í Reykjavík virðist nú vera á öðru máli. Það er skuggalegt. Þessi grein birtist fyrst í Fréttablaðinu. Viltu birta grein á Vísi? Sendu okkur póst. Senda grein Frosti Logason Mest lesið Þurfum við að koma Íslandi aftur á rétta braut? Diljá Mist Einarsdóttir Skoðun Er þetta í alvöru verðlaunaefni? Snorri Másson Skoðun Nýtt örorkukerfi – verra þeirra réttlæti Marinó G. Njálsson Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun Lykillinn að orkuskiptunum er úr áli Guðríður Eldey Arnardóttir Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun Ótímabundin ráðgjöf til ríkisstjórnar Snæbjörn Brynjarsson Skoðun Helga Þórisdóttir og fjöregg íslenskrar þjóðar Páll Torfi Önundarson Skoðun Breiðholt brennur Eðvarð Hilmarsson Skoðun „Vitum ekkert hvað við erum að gera“ Hjörtur J. Guðmundsson Skoðun
Í 73. grein Stjórnarskrár Íslands segir að allir þegnar landsins séu frjálsir skoðana sinna og sannfæringar. Ritskoðun og aðrar sambærilegar tálmanir á tjáningarfrelsi megi aldrei í lög leiða. Þetta er hið títtnefnda tjáningarfrelsisákvæði sem við erum dugleg að sveipa um okkur á hátíðisdögum. Enda tjáningarfrelsið eins og allir vita einn af hornsteinum lýðræðislegrar umræðu. Nú hefur lögreglan á höfuðborgarsvæðinu deilt út ákærum á hendur aðilum sem eiga að hafa gerst sekir um svokallaða hatursorðræðu bæði á netinu og í útvarpi. Lögfræðingurinn Pétur Gunnlaugsson og guðfræðingurinn Jón Valur Jensson eru báðir í þessum hópi. Þeim er gefið að sök að hafa látið óviðeigandi ummæli falla gegn hugmyndum um hinsegin fræðslu í grunnskólum landsins. Nú er það þannig að ég styð hugmyndir um hinsegin fræðslu í grunnskólum. Skólar eru jú fræðslustofnanir og ég tel að ranghugmyndir fólks um samkynhneigð á árum áður séu enn ekki fyllilega upprættar. Fræðslan er því hið besta mál. Persónulega finnst mér fólk sem er á móti þessum áformum vera óttalegir bjánar. Það er mín skoðun og mér leyfist að halda henni fram einmitt í krafti þess tjáningarfrelsis sem hér um ræðir. En mér dettur ekki í hug að halda því fram að þetta sama tjáningarfrelsi nái bara utan um mínar skoðanir. Tjáningarfrelsið átti einmitt að vera til að menn eins og Pétur og Jón Valur yrðu ekki ofsóttir fyrir sínar brjáluðu skoðanir. Að þeim yrði ekki hótað frelsissviptingu fyrir að halda þeim fram. En lögreglan í Reykjavík virðist nú vera á öðru máli. Það er skuggalegt. Þessi grein birtist fyrst í Fréttablaðinu.
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun
Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason Skoðun
Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir Skoðun