Innlent

Skipar nýja verðlagsnefnd búvara

Atli Ísleifsson skrifar
Sigurður Ingi Jóhannsson ráðherra.
Sigurður Ingi Jóhannsson ráðherra. Vísir/Vilhelm
Sigurður Ingi Jóhannsson hefur skipað í nýja verðlagsnefnd búvara. Ólafur Friðriksson, skrifstofustjóri í atvinnuvega- og nýsköpunarráðuneytinu er formaður nefndarinnar.

Í tilkynningu frá atvinnuvega- og nýsköpunarráðuneytinu er nefndin skipuð til eins árs í senn og skulu tveir fulltrúar tilnefndir af samtökum launþega, tveir af Bændasamtökum Íslands og tveir af Samtökum afurðastöðva í mjólkurframleiðslu. Ráðherra tilnefnir einn fulltrúa og er hann formaður nefndarinnar.

„Samtök launþega, þ.e. Bandalag starfsmanna ríkis og bæja og stjórn Alþýðusambands Íslands, ákváðu að nýta sér ekki rétt sinn til tilnefningar. Samkvæmt lögunum féll það því í hlut ráðherra vinnumarkaðar að tilnefna tvo fulltrúa í nefndina.

Verðlagsnefnd búvara skipa eftirtaldir:

  • Ólafur Friðriksson, formaður
  • Sigurður Loftsson, tilnefndur af Bændasamtökum Íslands
  • Sigurgeir Sindri Sigurgeirsson, tilnefndur af Bændasamtökum Íslands
  • Jóhannes Æ. Jónsson, tilnefndur af Samtökum afurðastöðva í mjólkuriðnaði sf.
  • Guðrún Sigurjónsdóttir, tilnefnd af Samtökum afurðastöðva í mjólkuriðnaði sf.
  • Björg Bjarnadóttir, tilnefnd af velferðarráðuneytinu
  • Sverrir Björn Björnsson, tilnefndur af velferðarráðuneytinu
Varamenn eru þau:

  • Þórarinn Pétursson, tilnefndur af Bændasamtökum Íslands
  • Guðný Helga Björnsdóttir, tilnefnd af Bændasamtökum Íslands
  • Rögnvaldur Ólafsson, tilnefndur af Samtökum afurðastöðva í mjólkuriðnaði sf.
  • Guðmundur Gils Einarsson, tilnefndur af velferðarráðuneytinu


Með nefndinni starfar Kristín Edda Sigfúsdóttir, fulltrúi í atvinnuvega- og nýsköpunarráðuneytinu,“ segir í tilkynningunni.

Nefndin starfar samkvæmt lögum nr. 99/1993.




Fleiri fréttir

Sjá meira


×