Skemmtilegt þriðjudagskvöld á Stöð 2

Þriðjudagskvöldin eru í sérflokki á Stöð 2. Gamanþátturinn Modern Family hefst klukkan 20.10 og að þessu sinni reynir Pritchett-fjölskyldan að gera góðverk eftir að hús nágranna þeirra brennur til kaldra kola en góðverkum geta fylgt ómæld vandræði, sérstaklega þegar Pritchett-fjölskyldan á í hlut. Klukkan 20.35 tekur Mike & Molly við en þar setur Mike allt í uppnám þegar hann býður Molly með á fyrsta leik tímabilsins með hafnaboltaliði Chicago Cubs en þeir hafa haft það fyrir venju að fara saman á leikinn. Klukkan 21.00 er komið að Chuck þar sem njósnari er myrtur og enginn veit hver morðinginn er. Robin Givens (fyrrverandi eiginkona Mike Tyson) leikur gestahlutverk. Klukkan 21.45 hefst síðan Burn Notice þar sem Michael Westen berst við mafíuna á Miami sem ógnar hafnaverkamanni. Gamanþátturinn Community er síðan á dagskrá klukkan 22.30 og The Daily Show með Jon Stewart tekur við klukkan 22.55.