Bíó og sjónvarp

Sjáðu fyrsta brotið úr Trainspotting 2

Birgir Olgeirsson skrifar
Ewen Bremner leikur Spud, Ewan McGregor leikur Renton, Johnny Lee Miller leikur Sick Boy og Robert Carlyle leikur Francis Begbie.
Ewen Bremner leikur Spud, Ewan McGregor leikur Renton, Johnny Lee Miller leikur Sick Boy og Robert Carlyle leikur Francis Begbie.
Tuttugu árum eftir að Trainspotting var frumsýnd hefur leikstjórinn Danny Boyle náð að leiða saman leikaraliðið sem fór með aðalhlutverkin í framhaldsmynd sem er væntanleg í kvikmyndahús snemma á næsta ári.

Kitla úr myndinni var frumsýnd í dag en þar sjást fjórar af aðalpersónum fyrri myndarinnar að horfa á lest fara fram hjá undir Iggy Pop-laginu Lust for Life, sem var einmitt einkennandi fyrir fyrri myndina.

Það er lítið annað að frétta úr þessari kitlu, annað en að sjá hvernig þessar persónur líta út í dag, en þær virðast allavega í ásýnd vera vel á sig komnar, hvað svo sem síðan verður í myndinni sjálfri. 
Og hér fyrir neðan er stiklan úr fyrri myndinni sem kom út árið 1996.





Fleiri fréttir

Sjá meira


×