Innlent

Sirrý vill peninga heim eins og handritin

Stefán Ó. Jónsson skrifar
Sirrý Arnardóttir
Sirrý Arnardóttir Vísir/Stefán
„Einu sinni stóðum við saman um baráttuna „Handritin heim“ og náðum markmiðum okkar. Nú er kominn tími á nýja þjóðarkröfu, nýtt baráttumál: „Peningana heim,“ segir fjölmiðlakonan Sirrý Arnardóttir.

Fátt hefur verið meira rætt undanfarnar vikur en eignir íslenskra ráðamanna í aflandsfélögum og vensl þeirra við skattaskjól um allan heim.

Á síðustu dögum hefur komið í ljós að þrír ráðherrar og einn borgarfulltrúi hafa tengsl við slík aflandsfélg og hafa margir farið fram á ráðamennirnir axli ábyrgð vegna þessa.

Sirrý segir að þau auðæfi sem nú liggi á reikningum í skattaskjólum hafi ekki orðið til í neinu tómarúmi án aðkomu almennings eða auðlinda þjóðarinnar.

Sjá einnig: Saga skattaskjóla eins gömul og skatta

„Þetta eru peningar sem þjóðfélagið í heild sinni hefur átt þátt í að skapa. Og við þurfum þessa peninga heim í okkar banka, sjóði og samfélag. Við þurfum að byggja hér upp samfélag sem hlúir að öldruðum, veikum, geðsjúkum börnum og náttúru í hættu,“ segir Sirrý og minnist þess þegar það þótti „merkilegt að vera skattakóngur á Íslandi.“

„En í dag leggur ríkasta fólkið mikið á sig við að fela peningana í ,,Langtíburtistan,“ segir Sirrý og spyr: „Getum við ekki verið samferða hér í harðbýlu landi þar sem síldin kemur og fer og allir þekkja alla?“

„Hversu mikið er nóg“

Í lok skrifa sinna á Facebook beinir Sirrý spjótum sínum sérstaklega að ríkasta fólki landsins sem hún vill að spyrji sig hversu mikið sé nóg.

„Nýlega tilkynnti ungur auðkýfingur, eigandi Facebook að hann ætli sér að gefa 99% af hlutabréfum sínum í samfélagsmiðlinum Facebook. Hann var svo þakklátur lífinu þegar þau hjónin eignuðust dóttur. Þau hugsuðu hlutina upp á nýtt og vildu betri heim fyrir komandi kynslóðir. Þau áttuðu sig á því að þó þau ættu „bara“ 1% af hlutabréfum Facebook þá var það samt yfirdrifið nóg. Hversu mikið er nóg? Og hvernig væri að deila kjörum með sinni þjóð? Leggjumst saman á árar við að bæta þetta samfélag,“ segir Sirrý en færslu hennar má sjá hér að neðan.

Á þessum fallega laugardegi liggur mér þetta á hjarta: PENINGANA HEIM!Það er furðuleg tilfinning að átta sig á því a...

Posted by Sirrý Arnardóttir on Saturday, 2 April 2016

Tengdar fréttir

Saga skattaskjóla eins gömul og skatta

Skattaskjól eru svæði þar sem ekki eru greiddir tekjuskattar. Ekki er ólöglegt að eiga peninga í aflandsfélögum, hins vegar er ólöglegt að stinga undan skatti.




Fleiri fréttir

Sjá meira


×