Fótbolti

Silva: Við getum unnið mótið

Henry Birgir Gunnarsson skrifar
Silva í leik á EM.
Silva í leik á EM. vísir/getty
Spánverjar stefna á að vinna EM í Frakklandi en það yrði heldur betur sögulegt. Þá væru Spánverjar búnir að vinna þrjú EM í röð.

Þeir hafa heldur betur litið vel út í upphafi móts og margir spá því að þeir fari alla leið eina ferðina enn.

Spánverjar þekkja það vel að vera spáð alla leið og pressan hefur engin áhrif á liðið segir David Silva.

„Það er eðlilegt á þessu stigi að okkur sé spáð titlinum. Við erum að vinna og spila vel,“ segir Silva.

„Við erum þó með báða fætur á jörðinni. Við vitum aftur á móti vel hvað býr í þessu liði og ef við höldum áfram að spila vel þá getum við unnið mótið.“

Spánverjar spila við Króata í lokaleik sínum í riðlakeppninni.




Fleiri fréttir

Sjá meira


×