MÁNUDAGUR 20. FEBRÚAR NÝJAST 11:33

Get ég beđiđ?

SKOĐANIR

Sigurđur Ragnar reyndi ađ fá íslenskar landsliđskonur til Kína | „Besta peningatilbođiđ“

 
Fótbolti
08:15 17. FEBRÚAR 2017
Dagný Brynjarsdóttir.
Dagný Brynjarsdóttir. VÍSIR/ANTON

Sigurður Ragnar Eyjólfsson, fyrrverandi þjálfari íslenska kvennalandsliðsins í fótbolta og núverandi þjálfari kínverska liðsins Jiangsu Suning, hafði áhuga á því að fá að minnsta kosti tvær íslenskar landsliðskonur til Kína.

Sigurður Ragnar ræddi bæði við Dagnýju Brynjarsdóttur og Hallberu Guðnýju Gísladóttur um möguleikanna á því að þær spiluðu með kínverska liðið. Þetta kemur fram í frétt Víðis Sigurðssonar í Morgunblaðinu í dag.

Dagný og Hallbera staðfestu þetta báðar en þær tóku báðar íslenska landsliðið og Evrópukeppnina í Hollandi fram yfir mögulega Kínaferð. Það er ljóst að samningur þeirra við Jiangsu Suning hefði geta haft mikil áhrif á þátttöku þeirra í undirbúningi landsliðsins fyrir Evrópumótið.

Það er ljóst að Kínverjarnir voru ekki að bjóða neina smáaura. „Þetta er besta samningstilboð peningalega, sem ég hef nokkurn tíma fengið þannig að ég hefði ef til vil hugsað málið aðeins lengur ef ekki væri svona stórt ár hjá landsliðinu,“ sagði Hallbera Guðný Gísladóttir við Morgunblaðið en hún hefur samið við sænska liðið Djurgården.

Dagný Brynjarsdóttir er samningsbundin bandaríska liðinu Portland Thorns og því hefði kínverska liðið þurft að kaupa hana. „Þetta náði aldrei svo langt að það mætti kallast viðræður,“ sagði Dagný við Morgunblaðið.

Sigurður Ragnar Eyjólfsson náði á dögunum í norsku landsliðskonuna Isabell Lehn Herlovsen og hin brasilíska Gabriela Zanotti er einnig búin að semja við kínverska liðið. Herlovsen er 28 ára gömul og hefur skorað 50 mörk fyrir norska landsliðið.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Fótbolti / Sigurđur Ragnar reyndi ađ fá íslenskar landsliđskonur til Kína | „Besta peningatilbođiđ“
Fara efst