LAUGARDAGUR 23. JÚLÍ NÝJAST 11:33

Árásin í München: Lokkađi til sín fórnarlömb á Facebook

FRÉTTIR

Sigmundur segir ákvörđun háskólans kalla á ađ fjárveitingum verđi beint til skóla á landsbyggđinni

 
Innlent
13:37 20. FEBRÚAR 2016
„Menntastofnanir eru á međal mikilvćgustu innviđa samfélagsins og ţeir innviđir ţurfa ađ vera traustir um allt land,“ skrifar ráđherrann.
„Menntastofnanir eru á međal mikilvćgustu innviđa samfélagsins og ţeir innviđir ţurfa ađ vera traustir um allt land,“ skrifar ráđherrann. VÍSIR/DANÍEL

Ákvörðun Háskóla Íslands um að hætta íþróttakennaranámi á Laugarvatni kallar væntanlega á að fjárveitingum verði í auknu mæli beint til skóla á landsbyggðinni, segir Sigmundur Davíð Gunnlaugsson forsætisráðherra.

Í uppfærslu á Facebook-síðu sinni segir Sigmundur Davíð hætt við því að ákvörðun háskólans muni gera út af við hugmyndir um sameiningar eða aukið samstarf skólans við menntastofnanir á landsbyggðinni.

Forsætisráðherrann segir að fénu yrði þá varið á forsendum skólanna sjálfra, væri því veitt beint þangað í auknu mæli. „Menntastofnanir eru á meðal mikilvægustu innviða samfélagsins og þeir innviðir þurfa að vera traustir um allt land,“ skrifar ráðherrann.

Ţađ er hćtt viđ ţví ađ ákvörđun HÍ um ađ leggja af nám á Laugarvatni muni gera út af viđ hugmyndir um sameinginar eđa...

Posted by Sigmundur Davíđ Gunnlaugsson on Saturday, February 20, 2016

Með ummælum sínum bætist Sigmundur Davíð í hóp þingmanna, einkum úr Suðurkjördæmi, sem hafa gagnrýnt ákvörðun Háskóla Íslands um að hætta kennslu á Laugarvatni. Einn þingmaður, Haraldur Einarsson, flokksbróðir forsætisráðherra, gekk svo langt að segja að skólinn hefði glatað trausti sínu.

„Þess vegna er óhjákvæmilegt að velta upp hlutverki Háskóla Íslands og hvort hann sé fær um að halda úti sinni starfsemi á Landsbyggðinni,“ skrifaði hann um málið á Facebook.

Sigurður Ingi Jóhannsson, ráðherra og þingmaður Suðurkjördæmis, hefur einnig látið óánægju sína í ljós og gagnrýnt skólann harðlega fyrir að láta sér detta það í hug að flytja íþróttakennaranámið frá Laugarvatni til Reykjavíkur.

„Það er auðvitað oft á tíðum dýrara að reka stofnanir úti á landi. Ef Háskóli Íslands treystir sér ekki til þess, hvernig ætlar hann að koma inn í framtíðarendurskipulagningu að háskólastiginu á Íslandi? Hver þorir að fara í samstarf við Háskóla Íslands ef allt á að enda í Vatnsmýrinni? Ég trúi ekki að þetta verði niðurstaðan,“ sagði hann í samtali við fréttastofu um málið.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Sigmundur segir ákvörđun háskólans kalla á ađ fjárveitingum verđi beint til skóla á landsbyggđinni
Fara efst