Lífið

Sigmundur Davíð og Anna Stella selja slotið

Stefán Árni Pálsson skrifar
Falleg eign.
Falleg eign. vísir
Hjónin Sigmundur Davíð Gunnlaugsson, alþingismaður og fyrrverandi forsætisráðherra, og Anna Sigurlaug Pálsdóttir hafa sett einbýlishús sitt við Ystasel á söluskrá og er ásett verð 74,9 milljónir króna.

Um er að ræða mjög fallegt 270 fermetra einbýlishús á frábærum stað í Seljahverfinu í Reykjavík.

Fasteignamat eignarinnar er 56 milljónir en húsið var byggt árið 1979. Anna Sigurlaug er skráð fyrir eigninni samkvæmt Þjóðskrá íslands.

Í húsinu eru 4-5 svefnherbergi en á efri hæðinni eru tvö svefnherbergi með gegnheilu parketi á gólfum. Hjónaherbergið er mjög stórt með hvítum fataskápum. Stórt baðherbergi með útgengi útá verönd, þar sem hefur verið gert ráð fyrir heitum potti.

Þau hjónin búa ekki lengur í Seljahverfinu og flutti í Garðabæinn á síðasta ári. Tvöfaldur bílskúr er við eignina og er hann allur flísalagður. Virkilega glæsilegt hús en hér að neðan má sjá valdar myndir innan úr húsinu.






Fleiri fréttir

Sjá meira


×