Sport

Sharapova segist ekki hafa fengið fimm viðvaranir

Stefán Árni Pálsson skrifar
Maria Sharapova viðurkenndi að hún hefði tekið inn ólöglegt lyf.
Maria Sharapova viðurkenndi að hún hefði tekið inn ólöglegt lyf. Vísir/Getty
Tenniskonan Maria Sharapova segir í langri færslu á Facebook að hún ætli sér að koma til baka og sterkari en aldrei fyrr en hún viðurkenndi á dögunum að hafa fallið á lyfjaprófi þann 26. janúar síðastliðinn.

Hún þarf að taka út tólf mánaða bann frá Tennis og tekur bannið gildi í dag.

Sharapova féll á lyfjaprófi sem var tekið eftir að hún féll úr leik á opna ástralska meistaramótinu í tennis þann 26. janúar.

Sjá einnig: Sharapova fékk fimm viðvaranir

Bar hún við því að hún hefði þekkt lyfið undir öðru heiti og að hún hefði tekið það af heilsufarsástæðum í tíu ár. Hún gekkst við ábyrgðinni að fullu og sagði að hún hefði ekki smellt á hlekk í tölvupósti sem henni barst um yfirvofandi breytingar á bannlistanum.

„Ég hef fengið ótrúlega mikinn stuðning frá aðdáendum um allan heim og ég er gríðarlega þakklát,“ segir Sharapova sem hefur fimm sinnum unnið risamót á ferlinum.

Sjá einnig: Tennisdrottning hrynur af stalli

Fjölmiðlar hafa greint frá því undanfarna daga að hún hafi fengið fimm viðvaranir áður en hún féll á lyfjaprófinu.

„Það hefur verið greint frá því ég hafi fengið fimm viðvaranir um lyfið sem ég var að taka og það er alls ekki satt. Ég vil samt sem áður ekki koma fram með neinar afsakanir og tek fullu ábyrgð á því sem gerðist,“ segir Sharapova sem segist hafa fengið tölvupóst 22. desember og hafi innihald póstsins verið um þau lyf sem væri að detta inn á bannlista í Tennis.

Sjá einnig: „Var Sharapova með kransæðasjúkdóm?“

„Ég hefði átt að skoða þetta betur en pósturinn týndist bara í því flóði að póstum sem ég fæ.“

Hún segist vera stolt af því að hafa komið strax fram og verið heiðarleg frá byrjun.

„Ég vonast til að fá að spila tennis á ný en ég vil ávallt að þið, aðdáendur mínir fáið alltaf að vita allan sannleikann í málinu.“

To My Fans:I want to reach out to you to share some information, discuss the latest news, and let you know that there...

Posted by Maria Sharapova on 11. mars 2016

Tengdar fréttir

Sharapova fékk fimm viðvaranir

Tók inn lyf í áratug sem fór á bannlista á áramótin. Sharapova féll á lyfjaprófi nokkrum vikum síðar.

Tennisdrottning hrynur af stalli

Tekjuhæsta íþróttakona heims undanfarin ellefu ár féll á lyfjaprófi. Ber við sig kæruleysi en gengst við brotum sínum. Gæti fengið allt að fjögurra ára bann.




Fleiri fréttir

Sjá meira


×