Enski boltinn

Shaqiri líklega á leið til Stoke

Ingvi Þór Sæmundsson skrifar
Shaqiri gerði fjögurra og hálfs árs samning við Inter í janúar.
Shaqiri gerði fjögurra og hálfs árs samning við Inter í janúar. vísir/getty
Samkvæmt heimildum Sky Italia hefur Stoke City náð samkomulagi við Internazionale um kaup á Xherdran Shaqiri.

Líklegt kaupverð hefur ekki verið gefið upp en Shaqiri gerði fjögurra og hálfs árs samning þegar hann kom til Inter frá Bayern München í janúar síðastliðnum.

Shaqiri, sem er 23 ára, náði sér ekki á strik hjá Inter en hann skoraði eitt mark í 15 leikjum í ítölsku úrvalsdeildinni á síðasta tímabili.

Þrátt fyrir ungan aldur hefur Shaqiri, sem er fæddur í Kosovo, leikið 46 landsleiki fyrir Sviss og skorað í þeim 17 mörk.




Fleiri fréttir

Sjá meira


×