Sex líffæri grædd í litla stúlku
Alannah ræddi við blaðamann ásamt ömmu sinni í síðustu viku. Hún hefur verið á spítala undanfarna þrjá mánuði að jafna sig eftir aðgerðina.
fréttablaðið/ap
Stúlkan, Alannah Shevenell, fékk nýjan maga, lifur, milta, smáþarma, bris og hluta af vélinda. Hún greindist með risastórt æxli árið 2008, þegar hún var fimm ára.
Læknar reyndu í tvígang að fjarlægja æxlið án árangurs. Lyfjameðferð hafði ekki heldur áhrif á æxlið og því var ákveðið að reyna aðgerðina. Fjölskyldu hennar var sagt að um helmingslíkur væru á því að hún lifði aðgerðina af, en án hennar átti hún enga batavon. Aðgerðin var framkvæmd í október og stúlkan var á spítala þar til í síðustu viku. Hún barðist við sýkingar og aðra fylgikvilla áður en hún fékk leyfi til að fara heim.
Alannah er þó ekki úr hættu enn. Hún þarf að vera undir stöðugu eftirliti og taka níu lyf á hverjum degi. Ónæmiskerfi hennar er mjög veikt og hún getur því ekki verið innan um mikið af fólki. - þeb
- Fréttir
- Sport
- Viðskipti
- Lífið
Fréttir eftir mánuði
Hér má finna fréttir eftir mánuði.
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000