Formúla 1

Sergio Perez: Allt getur gerst í Ástralíu

Kristinn Ásgeir Gylfason skrifar
Perez kemur út úr bílskúr Force India liðsins á æfingum í Barselóna. Eitt er víst að Force India bíllinn verður bleikur í Ástralíu.
Perez kemur út úr bílskúr Force India liðsins á æfingum í Barselóna. Eitt er víst að Force India bíllinn verður bleikur í Ástralíu. Vísir/Getty
Sergio Perez, ökumaður Force India liðsins í Formúlu 1 segir að allt geti gerst í fyrstu keppni tímabilsins í Ástralíu næstu helgi.

Perez segist telja að Force India geti hafið tímabilið af krafti.

„Fyrsta keppni tímabilsins er alltaf skemmtileg. Veturinn hefur verið langur og nú langar mig að fara að keppa aftur.“

„Það er mikilvægt að við látum ekkert trufla okkur, við viljum byrja vel og komast aftur í keppnistakt og halda áfram að vinna okkar vinnu.“

„Brautin sjálf er nokkuð skemmtileg og erfið að keyra því hún er að hluta til görubraut. Hún er mjög græn [griplítil] í upphafi helgarinnar en eftir því sem líður á öðlast maður meira grip og meira sjálfstraust í nýja bílnum.“

„Ég er viss um að við getum staðið okkur vel og náði í stig í fyrstu keppni. Ástralía er staður þar sem allt getur gerst og við höfum séð mörg óvænt úrslit þar í gegnum tíðina.“

„Maður veit aldrei hvaða tækifæri koma upp í kappakstri svo maður þarf bara að vera viðbúinn að gríða þau þegar þau gefast.“

Fyrsta keppni tímabilsins fer fram næstu helgi. Tímatakan og keppnin verða í beinni útsendingu á Stöð 2 Sport. Fáðu þér áskrift á 365.is.


Tengdar fréttir




Fleiri fréttir

Sjá meira


×