Sport

Serena komst í úrslit á Opna bandaríska þriðja árið í röð

Kristinn Páll Teitsson skrifar
Serena var gríðarlega sátt eftir leikinn í dag.
Serena var gríðarlega sátt eftir leikinn í dag. Vísir/Getty
Serena Williams komst rétt í þessu í úrslit Opna bandaríska meistaramótsins í tennis þriðja árið í röð eftir að hafa lagt Ekaterina Makarova að velli í undanúrslitum.

Fyrr í dag tryggði hin danska Carolina Wozniacki sér sæti í úrslitum með því að hafa betur í tveimur settum 7-6 og 4-3 gegn Peng Shuai sem neyddist til þess að hætta í öðru setti vegna meiðsla.

Serena sem er í dag efst á heimslistanum í tennis mætti Makarova í seinni leik dagsins. Serena sýndi gríðarlega yfirburði í fyrsta settinu sem hún vann 6-1 og fylgdi því eftir í öðru settinu sem hún vann 5-3.

Það verða því Serena og Carolina sem mætast í úrslitum á sunnudaginn en óhætt er að segja að Serena sé sigurstranglegri.

Carolina hefur aldrei unnið á einum af fjórum stórmótunum í tennis en Serena hefur sautján sinnum unnið á stórmóti, þar af fimm sinnum Opna bandaríska sem hún hefur unnið tvö ár í röð.


Tengdar fréttir

Wozniacki skellti Sharapovu

Fyrrum unnusta kylfingsins Rory McIlroy, Caroline Wozniacki, blómstrar á vellinum líkt og Rory eftir skilnaðinn.




Fleiri fréttir

Sjá meira


×