ŢRIĐJUDAGUR 6. DESEMBER NÝJAST 23:57

Setning Alţingis: Áslaug Arna mćtir međ ömmu upp á arminn

FRÉTTIR

Sendi fimmtán ára stúlku myndband af lim sínum

 
Innlent
20:53 24. FEBRÚAR 2016
Dómari taldi
Dómari taldi "[e]kki er međ nokkru móti unnt ađ fallast á ţađ međ ákćrđa ađ háttsemi hans geti veriđ honum refsilaus.“ VÍSIR/VALLI

Héraðsdómur Reykjaness dæmdi á mánudag karlmann í þriggja mánaða skilorðsbundið fangelsi fyrir að hafa sent fimmtán ára stúlku myndskeið af lim sínum í gegnum samskiptaforritið Snapchat. Brotið átti sér stað í júlí 2014.

Maðurinn var ákærður fyrir kynferðisbrot og brot gegn barnaverndalögum með því að hafa í tvígang sent stúlkunni mynd af getnaðarlim sínum og skilaboð þar sem stóð „send þú“ en með því hvatti hann stúlkuna til að senda kynferðislega mynd af sjálfri sér.

Þegar brotið átti sér stað starfaði maðurinn í skóla stúlkunnar. Stúlkan greindi frá því við skýrslutöku hjá lögreglunni að hún hefði tjáð ákærða að hún hefði fengið sér gat í geirvörtuna og hann hafi í kjölfarið beðið hana um að senda sér nektarmyndir. Samskipti þeirra fóru fram í gegnum Snapchat en með forritinu sendi hún honum mynd af lokknum í geirvörtu sinni.

Texti myndbandsins of óskýr
Samkvæmt framburði stúlkunnar svaraði maðurinn með því að senda henni stutt myndband af typpi sínu. Hún hafi sent honum til baka að myndbandið hefði verið oft stutt og hann sent þá annað lengra. Brotaþoli notaði þá forrit til að vista myndbandið í síma sínum og var það lagt fram sem sönnunargagn í málinu. Eftir þetta lokaði stúlkan á frekari samskipti við ákærða á samskiptamiðlum.

Hinn ákærði játaði fyrir dómi að hafa sent stúlkunni mynd af lim sínum í tvígang en neitaði því að hafa hvatt hana til að senda myndir af sér. Hann bar því við að öll samskipti þeirra hefðu verið að frumkvæði hennar. Til að mynda hefði hún sent myndina af geirvörtu sinni af fyrra bragði.

Í niðurstöðu dómsins segir að þau gögn sem lögð hafi verið fram af ákæruvaldinu nægi ekki til að færa sönnur á það að maðurinn hafi sent orðin „send þú“. Sé það vegna þess að myndband það sem lagt var fram sé ekki nógu skýrt til að hægt sé að greina hvað stendur. Var maðurinn því ekki sakfelldur fyrir þann ákærulið.

Hins vegar var það mat dómarans að sú háttsemi að senda stúlkunni upptökur af getnaðarlimnum gætu ekki talist refsilausar. Var það metið manninum til refsiþyngingar að hann starfaði við skóla stúlkunnar. Refsing hans var ákveðin þriggja mánaða skilorðsbundið fangelsi til tveggja ára. Að auki var honum gert að greiða stúlkunni 250.000 krónur í miskabætur og þriðjung sakarkostnaðar.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Sendi fimmtán ára stúlku myndband af lim sínum
Fara efst