Schwarzenegger og Stallone fóru saman í skurðaðgerð
Hasarhetjan Arnold Schwarzenegger birti þessa óborganlegu mynd af sér og félaga sínum, Sylvester Stallone, stuttu áður en þeir gengust undir skurðaðgerðir.
Á myndinni má sjá Schwarzenegger og Stallone á góðri stundu. Félagarnir leika nú í kvikmyndunum Expendables 2 og The Last Stand. Seinna á árinu munu síðan tökur hefjast á kvikmyndinni The Tomb en félagarnir eru einnig í aðalhlutverkum þar.
Schwarzenegger birti myndina á bloggsíðu sinni. „Eftir öll átökin við The Expendables 2 þurfti ég að láta lagfæra á mér öxluna. Og viti menn! Hver var næstur í röðinni í sömu aðgerð," sagði Schwarzenegger.
Tökur standa nú yfir á The Expendables 2 en fjöldi þekktra leikara kemur fram í myndinni. Þar á meðal eru Bruce Willis, Dolph Lundgren, Jean-Claude Van Damme og Jet Li. Chuck Norris mun síðan fara með hlutverk þorparans.
Meðalaldur leikarahópsins í The Expendables er 59 ár. Hægt er að sjá sýnishorn úr kvikmyndinni hér að ofan.
- Fréttir
- Sport
- Viðskipti
- Lífið
Fréttir eftir mánuði
Hér má finna fréttir eftir mánuði.
- Sími 512 5000
- Hafðu samband
- Starfsfólk
- Umferð
- Veftré
- Auglýsingar
- 365 Skaftahlíð 24 105 Reykjavík Sími: 512 5000